Musiek teen die euwels

Van viool tot klarinet

13 July 2018 | Plaaslik
Henriette Lamprecht



Sy liefde vir musiek en die begeerte van hom en sy vrou om werklik te dien, het die Francis-egpaar na die gemarginaliseerde San gelei – die Hei-||om, Zu|hoa; Khoe en |Khu.

Nie net kinders en jongmense nie, maar ook volwassenes kan by Jack (68) en Rubertine (67) Francis leer hoe om musiekinstrumente, van die viool tot die klarinet, te speel. Die opleiding sluit ook die lees van note in.

Dié spesiale musiekprojek het in 2006 sy eerste treë op Tsintsabis by 'n plaasskool gegee – 'n nedersetting sowat 65 km noordoos van Tsumeb.

Eers is op jongmense in die gemeenskap en daarna op skool­kinders gefokus.

“Ons wou jongmense en kinders trek en het ook kos voorsien aan dié wat afgerig word. As daar kos is, dan kom hulle,” sê Jack.

Op Tsintsabis is musiekklasse aanvanklik tydens kunsperiodes aangebied.

“Namiddae was dit dié kinders wat wil verder leer se beurt.”

Hier gaan die projek tans volstoom voort, met die musikant mnr. Werner Uri-#Khob wat steeds kitaar- en ­vioollesse aanbied.

Sedert 2015 is Mangetti Duin die basis van die musiekprojek, waar klasgee nie net in 'n klaskamer gebeur nie, maar ook smiddae onder 'n boom.

“Die laerskoolkinders is eers skaam – dit hang af hoe jy hulle benader. Dit verg menslikheid en vriendelikheid om hul vertroue te wen,” sê Jack.

Hy vertel die kinders leer vinnig om musiek “uit die kop te speel” en hulle kan ook note lees.

Die kinders kry ook die geleentheid om hul vaardighede tydens uitvoerings by skole en kerke met die ­gemeenskap te deel.

Danksy 'n bussie wat deur Duitse vriende geskenk is, kan die groepie ook op ander dorpe optree.

“Ons het al by die Lutherse kerk opgetree en ook by die Arts Performance Centre op Tsumeb,” sê Jack.

Vervoerkoste betaal die Francis-egpaar egter self, en hul projek kry geen ondersteuning van die regering nie.

“Ons kom uit 'n Christelike huis. Ons het saam met ons kerk sendingwerk in Botswana gedoen. As ons die krag het en ons het die vaardighede, dan moet ons dit mos met ander deel. Dis 'n belofte wat ons aan die Here gemaak het, om voor ons doodgaan, siele vir die Here met musiek te werf.”

Jack en Rubertine het 13 kleinkinders en moet dikwels hul pensioengeld gebruik om die koste van die projek te dek.

Die musiekklasse is vir hulle ook 'n manier om kinders en ­jongmense uit dié arm gemeenskap “uit die strate te hou”.

“Vroeë swangerskap, alkohol- en dwelmmisbruik en erge armoede vier hoogty hier. Musiek is 'n manier om hulle van dié euwels weg te hou.”

Mense wat graag by die projek betrokke wil raak of kos, klere en kontant wil skenk, kan vir Jack by 081 218 4182, Rubertine by 081 805 8874 of hul seun Ruberto Jack by 081 300 7444 skakel.

Soortgelyk

 

Honderde miljoene vir veevoer nodig

18 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

18 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

18 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

18 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

18 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

18 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

18 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

18 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

18 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...