Motorola boots iPhone blatant na

21 August 2018 | Tegnologie
Die tonge klap behoorlik op sosiale media nadat ­Motorola sy jongste slimfoon, die P30, bekend gestel het. Op die oog af lyk die toestel heel skaflik met 'n goed afgeronde ontwerp en groot skerm.

Die enigste probleem? Dit lyk op 'n haar na soos Apple se iPhone X wat in Oktober 2017 bekend gestel is.

Buiten vir die teenwoordigheid van die Motorola-logo onderaan die foon is daar byna niks wat dit onderskei van die iPhone X nie.

Nes die iPhone het die P30 ook 'n inham aan die bokant van die skerm waarin die voorste kamera en luidspreker versteek is.

Op foto's van die P30 wat Motorola op sy webtuiste geplaas het, lyk selfs die agtergrond van die twee fone se skerms eenders.

Die agterkant van die foon lyk dieselfde as die iPhone s'n. Ja, daar is ook twee kameralense, die een bo die ander, met 'n flitslig in die middel. Die enigste verskil is Apple se logo wat met die M van Motorola vervang is, wat ook die foon se vingerafdrukskandeerder huisves.

The Verge berig die P30 beskik oor 6 gigagrepe se geheue en is toegerus met 'n kragtige Snapdragon 636-verwerker, wat wel reeds in 2017 uitgereik is.

Anders as die iPhone bied die P30 'n opening vir 'n geheue­kaart om die foon se ingeboude stoor­spasie van 128 gigagrepe te ­vergroot.

Die P30 het ook nie dieselfde ­gesigherkenningstegnologie as die iPhone X nie.

Ontleders meen selfoonvervaardigers moet deesdae alles in die stryd werp om hul toestelle van hul mededingers s'n te onder­skei.

Die P30 is egter nie die eerste foon wat leen by die ontwerp van die iPhone nie. Die Chinese vervaardiger Xiaomi se Mi 8 het ook 'n soortgelyke ontwerp.

Motorola se troefkaart is waar­P30 na verwagting meer as die helfte minder gaan kos as 'n iPhone X.

Lenovo, Motorola se moedermaatskappy, het vandeesweek vir die eerste keer in 'n jaar weer positiewe kwartaalsyfers uitgereik ná groot verliese wat in 2017 gely is. Volgens Bloomberg is dit deels te danke aan beter verkope, maar ook weens kostebesnoeiing in sy mobiele eenheid.

Motorola beplan om die P30 voor die einde van die maand in China bekend te stel, waarna dit na verwagting in ander lande uitgereik gaan word.

Die verwagte verkoopprys is US$350, teenoor die iPhone X se US$999. – Netwerk24

Soortgelyk

 

Cheetah Cement is hier om te bly

10 ure gelede | Byvoegsels

Augetto Graig - Sedert produksie in April begin het, is dit baie bedrywig by die nuwe Cheetah Cement-aanleg net 3,5 km buite Otjiwarongo. Die aanleg...

Miljoene se verliese in twee brande

10 ure gelede | Ongelukke

Tanja BauseTeen druktyd gister was dit nog onbekend wat presies die brande veroorsaak het wat tot reuseskade vir twee Namibiese ondernemings gelei het.Seapride Foods in...

Geingob besoek Guinee, Kanada

10 ure gelede | Regering

Ronelle RademeyerPres. Hage Geingob het Donder­dag 'n werksbesoek aan Guinee gebring waar hy met pres. Alpha Condé vergader het voordat hy Vrydag in Ottawa, Kanada,...

Versekeraars wen tussenstryd

10 ure gelede | Howe

Elvira Hattingh – Plaaslike versekeringsmaatskappye sal nié gedwing word om herversekering by NamibRe uit te neem nie - tot die hof kan beslis oor...

Agri Kollege wys leerlingraad aan

10 ure gelede | Byvoegsels

Die 2019-leerlingraad van Grootfontein Agri Kollege is onlangs gekies. Volgens mnr. Mr Henk Botha, hoof van dié privaat skool wat in 2011 gestig is, voed...

Kom besoek die driehoek

10 ure gelede | Byvoegsels

Het jy al van die Hoba-meteoriet, die Ghaub-grot en die Ombili San-stigting gehoor? Het jy al die prag van die Otjikoto-meer gesien of die museums...

Mutorwa vergader met TransNamib-raad oor onmin

10 ure gelede | Ministeries

Catherine Sasman - ‘n Lank uitstaande vergadering belê deur die minister van werke en vervoer is gehou om onder meer die beweerde nie-samewerking en ontwrigtende...

NSFAF: Invorderaar kap terug

10 ure gelede | Onderwys

Augetto Graig – Die besturende direkteur van Tribesmen Revenue Solutions, mnr. Solomon Nemaire, sê hy is “verlig” om van die “doodloopkontrak” met die Finansiële Hulpfonds...

En al daai jazz . . .

10 ure gelede | Kuns en vermaak

Windhoek se jazzfees is onlangs by die Vintage-restaurant in Windhoek bekend gestel. Die minister van onderwys, kuns en kultuur, me. Kartina Hanse-Himarwa, was aan die...