Moordbeskuldigde (14) weg vir waarneming
'n Rehoboth-tiener staan tereg op aanklagte van verkragting, moord, lykskending en brandstigting.
Denver Kisting – Die tiener (14) wat glo September vir me. Sarah Jagger (57) buite Rehoboth glo verkrag en vermoor het, is dié week vir psigiatriese evaluering gestuur.
Hy het Maandag voor landdros Kandiwapo Nangombe in die hof op Rehoboth verskyn.
Die staatsaanklaer, mnr. Victor Mutumbulwa, het die hof gevra om die saak tot 18 April uit te stel sodat hulle kan vasstel of die seun geskik is om verhoor te word.
Die tienerseun is Maandag deur mnr. Christopher Stanley, in opdrag van die regshulpdirektoraat, verteenwoordig.
Hy is sedert sy inhegtenisneming verlede jaar in aanhouding en word tans in ’n plek van veiligheid op die Hardapdorp gehuisves.
Hy staan tereg op aanklagte van verkragting, moord en lykskending.
Naas dié klagte staar ’n klag van brandstigting ook die tiener in die gesig.
Die polisie beweer die tiener het laat verlede jaar vir Jagger verkrag, haar doodgeslaan en toe haar regtervoet afgesny.
Sy het glo gereeld vir hom kos gegee.
Die seun het glo dae voor die moord ook twee plaashuise in die omgewing van Bahnhof buite Rehoboth afgebrand.
Jagger se lyk en voet is afsonderlik sowat een kilometer van mekaar in die omgewing ontdek.
Hy het Maandag voor landdros Kandiwapo Nangombe in die hof op Rehoboth verskyn.
Die staatsaanklaer, mnr. Victor Mutumbulwa, het die hof gevra om die saak tot 18 April uit te stel sodat hulle kan vasstel of die seun geskik is om verhoor te word.
Die tienerseun is Maandag deur mnr. Christopher Stanley, in opdrag van die regshulpdirektoraat, verteenwoordig.
Hy is sedert sy inhegtenisneming verlede jaar in aanhouding en word tans in ’n plek van veiligheid op die Hardapdorp gehuisves.
Hy staan tereg op aanklagte van verkragting, moord en lykskending.
Naas dié klagte staar ’n klag van brandstigting ook die tiener in die gesig.
Die polisie beweer die tiener het laat verlede jaar vir Jagger verkrag, haar doodgeslaan en toe haar regtervoet afgesny.
Sy het glo gereeld vir hom kos gegee.
Die seun het glo dae voor die moord ook twee plaashuise in die omgewing van Bahnhof buite Rehoboth afgebrand.
Jagger se lyk en voet is afsonderlik sowat een kilometer van mekaar in die omgewing ontdek.
Kommentaar
Republikein
Geen kommentaar is op hierdie artikel gelaat nie