Moord op vroue, kinders styg in SA

Samelewing moet groter poging aanwend

31 August 2018 | Afrika
Daar is 3 915 vroue en kinders in die jaar tot 31 Maart vermoor.

Die syfers is afgryslik en skokkend en sê baie van die morele karakter van die samelewing, het Francois Beukman, voorsitter van die parlementêre portefeuljekomitee oor polisie, Woensdag gesê.

Die statistieke vir die 2017-'18-boekjaar is Woensdag aan LP's voorgelê.

Die meeste van die moorde – 886 – is in KwaZulu-Natal gepleeg, gevolg deur die Oos-Kaap met 730, Gauteng met 657 en die Wes-Kaap met 649. In die Vrystaat is 254 vroue en kinders vermoor, in Noordwes 231, in Mpumalanga 217, in Limpopo 215 en in die Noord-Kaap (76).

Die getal moorde op vroue het landswyd met 11% toegeneem van 2 639 in die 2016-'17-boekjaar tot 2 930 in die 2017-'18-boekjaar.

Kindermoorde het met 17,4% van 839 tot 985 toegeneem.

Beukman het gesê die samelewing moet 'n groter poging aanwend om gesinsgeweld en geweld tussen verwante partye te bekamp.

“Baie van die misdade teen vroue en kinders word deur mense gepleeg wat hulle ken.”

MISHANDELING

Bheki Cele, die minister van polisie, wat ook die komiteesitting bygewoon het, het gesê kinders loop regtig erg onder mishandeling deur.

Een van die groot uitdagings om sulke misdade te voorkom, is volgens Cele juis as die slagoffer en die oortreder na aan mekaar is.

“Dit is een ding wat vir ons as die polisie groot probleme skep. As jy saam met jou meisie gaan en jy vermoor haar, kom die optrede altyd agterna. Dit kan nie vooraf gebeur nie. Die polisie kan nie verliefdes by padversperrings voorkeer en vra is dié jou meisie en dan sê nee, jy kan nie saam met haar gaan nie.

“Dié is aspekte wat die sake baie, baie moeilik maak,” het hy gesê.

'n Ander groot probleem is dat sake dikwels teruggetrek word.

Hy het toegegee dat die polisie soms nie weet hoe om slagoffers van gesinsgeweld te hanteer nie en dat opleiding daarom belangrik is. “Ek het aan die polisiebestuur gevra waarom ons nie meer vrouebeamptes by die ontvangstoonbank kry nie.

“Ek verbeel my net as 'n vrou vir 'n polisieman moet sê sy is verkrag. Ek dink dit traumatiseer jou meer. As jy dit nie behoorlik verduidelik nie, verloor ons die saak in 'n later stadium. As dit 'n vrouebeampte is, sal dit makliker wees . . . die sensitiwiteit met die eerste aanmelding moet aan boord geneem word,” het Cele gesê.
– Netwerk24

Soortgelyk

 

NSFAF sluit ooreenkoms met Bank Windhoek

7 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

7 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

8 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

19 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

19 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

19 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

19 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

19 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

19 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...