Moody’s klink spyt oor nuwe status vir Kaap, PE

09 November 2019 | Ekonomie
Hanlie Stadler – Kaapstad en Port Elizabeth is onder die munisipaliteite wat voortaan waarskynlik meer vir hul skuld sal moet betaal omdat die nasionale regering se geldsake so swak lyk.

Moody’s Investors Service het pas die vooruitsig vir munisipale graderings wat stabiel was, na negatief verander. Dit sluit in die groot metropolitaanse munisipaliteite van Kaapstad, die Nelson Mandelabaai- metropolitaanse munisipaliteit (wat Port Elizabeth insluit) en Ekurhuleni.

Moody’s sê hy gee toe dat Kaapstad en Nelson Mandelabaai “gekenmerk word deur lae skuldvlakke en robuuste bedryfsprestasie”, maar die gradeerder sê in Suid-Afrika is daar ’n baie noue finansiële verwantskap tussen plaaslike regerings en die nasionale regering.

Dit beteken ’n munisipaliteit kan nooit ’n hoër gradering of selfs ’n beter vooruitsig op dieselfde gradering hê as die nasionale regering nie.

Die vooruitsig vir Johannesburg was reeds negatief en dié vooruitsig is gehandhaaf.

Moody’s sê baie faktore wat hom verlede jaar genoop het om die vooruitsig vir Johannesburg se gradering te verander – soos ’n stewige styging in bedryfsinkomste – het verbeter. Johannesburg se vooruitsig kan egter nie na stabiel verander word noudat die land ’n negatiewe vooruitsig gekry het nie.

Al dié metrorade se skuld word op die laagste beleggingsgraad gegradeer, soos dié van die land as geheel.

Moody’s se aankondiging oor munisipaliteite is ’n uitvloeisel van verlede Vrydag se graderingsbesluit oor Suid-Afrika. Hoewel Moody’s die land op beleggingsgraad gehou het, is die vooruitsig van stabiel na negatief verander. Dit beteken ’n afgradering na rommelstatus deur Moody’s – die laaste groot gradeerder wat die land op beleggingsgraad het – is nou ’n baie groot moontlikheid.

Moody’s het die land gewaarsku dat die Februarie-begroting deurslaggewend kan wees vir sy volgende graderingsbesluit.

Ander besluite oor munisipaliteite wat pas geneem is, sluit in:

· Die stabiele vooruitsig van Tswhane (wat Pretoria insluit), Breedevallei en uMhlathuze is gehandhaaf. Dié munisipaliteite is reeds op rommelstatus gegradeer.

· Die negatiewe vooruitsig van Mangaung (Bloemfontein) is gehandhaaf. Moody’s het Mangaung in Augustus met drie kerwe tot ses kerwe onder beleggingsgraad gegradeer weens ernstige finansiële wanbestuur en kontantvloeiprobleme by dié munisipaliteit.

· Rustenburg is nog een vlak laer tot drie kerwe onder beleggingsgraad afgegradeer en die vooruitsig is van stabiel na negatief verander.

Ander instellings wat verander is, sluit in:

· Die vooruitsig vir die gradering van die Suid-Afrikaanse Nasionale Padagentskap (Sanral) is van stabiel na negatief verander.

Verskeie maatskappye het ook deurgeloop deurdat die vooruitsig vir hul gradering na negatief verander is. Nie een is afgegradeer nie:

· Growthpoint

· Redefine

· Barloworld

· Bidvest

· Telkom

Die nuutste aankondigings kom nadat Moody’s reeds dié week onder meer die vooruitsig vir banke se gradering na negatief verander het en Eskom selfs dieper na rommelstatus afgegradeer het. Eskom is nou net drie vlakke van die status wat aan wanbetalers toegeken word. – Netwerk24

Soortgelyk

 

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

6 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

17 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....