‘Mona Lisa’ was siek, sê kenners

07 September 2018 | Internasionaal
Elsabé Brits - Lisa Gherardini, die model in die skildery Mona Lisa, was siek en haar toestand is nou gediagnoseer.

Sy het aan hipotireose gely. Haar skildklier het dus nie behoorlik gefunksioneer nie, lui navorsingsbevindings wat in Mayo Clinic Proceedings gepubliseer is.

Ander kenners het in 2004 tot die slotsom gekom dat sy ’n harttoestand gehad het – weens merke op haar vel en ’n samepakking van cholesterol in haar oë.

Maar nuwe navorsing toon dit kon eerder hipotireose gewees het, veral omdat sy 63 jaar oud geword het en sy gegewe die beperkte behandelings vir hartsiekte in die 16de eeu waarskynlik nie so lank sou geleef het as sy ’n harttoestand gehad het nie.

Die tekens van hipotireose is daar: Die hoë voorkop, die min, maar growwe hare, sy het geen wenkbroue nie, ’n gelerige velkleur en ’n moontlike vergrote skildklier, sê die navorsers van die Brigham & Women’s Hospital en die Harvard-Universiteit.

Die dieet gedurende die Renaissance, veral in Italië, het tipies te min jodium gehad en probleme met die skildklier is beduidend in baie skilderye. Baie groente en min vleis is geëet en hongersnood was altyd ’n gevaar. Seekos was skaars.

’n Paar maande voordat Gherardini vir die portret geposeer het, het sy die lewe geskenk aan ’n seun, Andrea, en sy kon ook inflammasie in die skildklier gehad het ná die geboorte. Wanneer ’n mens na haar hande kyk, is daar swelling op die regterhand.

Leonardo da Vinci het die skildery in opdrag van Gherardini se man, Francesco del Giocondo, geskilder. Hy het tussen 1503 en 1506 daarmee begin, maar dit eers in 1516 voltooi. Dit is sedert 1797 permanent in die Louvre in Parys. – Netwerk24

Soortgelyk

 

Hepatitis E woed landswyd voort

12 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

12 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

12 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

12 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

12 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

12 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

12 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

12 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

12 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...