Moenie nou dié tyd mors nie, Brittanje

Eerste bars in verenigde granietmuur

16 April 2019 | Internasionaal
Leopold Scholtz - Verlede week het die regeringsleiers van die Europese Unie (EU) op ’n spesiale spitsberaad in Brussel besluit op ’n buigsame uitstel van Brexit, met 31 Oktober as die laaste datum.

Indien die Britte hulle voor die tyd sover kan kry om op ’n koers te besluit, kan uittrede op eie versoek vervroeg word.

Die EU se opperste frustrasie met wat as Britse besluiteloosheid en onbekwaamheid gesien word, het geblyk uit die enigsins meewarige manier waarop Donald Tusk, president van die Europese Raad (die regeringsleiers), ’n beroep op die Britte gedoen het: “Moenie die tyd mors nie.”

Daar was ook ander verwikkelinge. Die eerste is dat die verenigde granietmuur waarmee die oorblywende 27 EU-lidlande teenoor die Britte gestaan het, vir die eerste keer ’n bars getoon het.

Pres. Emmanuel Macron van Frankryk het hom kwaai teen die verlening van die uitstel aan Brittanje verset, want hy sit met ’n groep wat ook uit die EU wil tree.

Ofskoon dié groep tans geen werklike politieke bedreiging vir hom inhou nie, wil hy euroskeptici wys wat die nadele van ’n Frexit is. Vandaar sy gebrek aan genade vir die Britte – hy wil ’n voorbeeld van hulle maak.

WESTMINISTER KOOK EN BORREL

Die res van die leiers, met bondskanselier Angela Merkel van Duitsland aan die voorpunt, het anders gedink. Merkel is altyd die een wat dinge nie op die spits wil dryf nie, wat wil bly praat – of dit nou met die Britte, die Russe of selfs die Amerikaners is.

Sy vrees ’n alte onversetlike houding teenoor die Britte kan dinge in Londen net verder beduiwel. Wees nou rustig; gee die mense kans om uit die gemors te kom wat hulle self geskep het, is haar houding.

Miskien lees ’n mens te veel in die verskil. Miskien is dit bloot ’n afgesproke strategie van good cop, bad cop.

Die punt is wel dat, tipies van die EU, ’n kompromis uiteindelik getref is. Nou is die stokkie weer in die hande van Westminster. En daar kook en borrel dit.

Theresa May, Britse premier, probeer wanhopig om die Arbeiders se steun vir haar Brexit-ooreenkoms te kry, maar dié se leier, Jeremy Corbyn, eis ’n groot prys daarvoor.

En in die Tories se agterbanke sit enkele tientalle hardekwas-LP’s gereed om die sinkende skip te verlaat en selfs die regering te laat val. Dis mense wat Brexit uit ’n rigiede ideologiese standpunt beskou. Hulle meen die EU is ’n internasionalistiese onding wat die “Groot” uit “Groot-Brittanje” gehaal het.

Die ironie is dat húl soort Brexit die land geweldige skade gaan berokken. Maar probeer nou om met ’n harde ideoloog te redeneer.

Die feit is dat die “Groot” al lankal weg en begrawe is. Dit is toenemend “Klein-Brittanje”.
– Netwerk24

Soortgelyk

 

2%: Regering soek minstens halfmiljard

2 ure gelede | Regering

Sou staatsamptenare instem om eenmalig 2% van hul maandelikse salarisse aan die regering te skenk, sal dié 117 000 werkers vir tussen N$500 miljoen en...

Heldebegrafnis vir Iyambo

5 ure gelede | Mense

Denver Kisting – Dr. Nickey Iyambo, Namibië se ontslape eerste visepresident, gaan volgende Saterdag ’n heldebegrafnis ontvang.Volgens dr. Alfredo Hengari, woordvoerder van pres. Hage Geingob,...

President neem Nanso-handves in ontvangs

9 ure gelede | Onderwys

Me. Ester Simon, die Namibiese Nasionale Studenteorganisasie (Nanso) se president, het gistermiddag ʼn afvaardiging op besoek aan pres. Hage Geingob by Staatshuis gelei.Die doel van...

Regering staan bakhand vir 2% van almal

20 ure gelede | Plaaslik

Denver Kisting – Die regering wil hê elke werkende Namibiër moet eenmalig 2% van sy maandelikse basiese salaris skenk.Luidens ’n gelekte brief wil die regering...

Beste maatjies

20 ure gelede | In beeld

Melba van Wyk het dié foto van Bollie die baba- vlakhasie en Bow-Bow die drie dae oue hondjie op die plaas Kujeka buite Rehoboth geneem.

N$2 miljoen vir tuisbly

20 ure gelede | Regering

Denver Kisting – Met ’n maandelikse pakket van meer as N$180 000 het mnr. Abraham Kanime meer as N$2 miljoen sedert Maart verlede jaar ontvang.Hy...

Droogte suig damme, riviere leeg

20 ure gelede | Omgewing

Elvira Hattingh - Die ernstige droogte waaronder Namibië tans gebuk gaan, is ook duidelik in rivier- en damvlakke te bespeur, met veral riviere wat vanjaar...

Oudminister uit op N$20 000 se borgtog

20 ure gelede | Howe

Denver Kisting – Die beweerde bedrog waarby die oudadjunkminister van grondhervorming, mnr. Theo Diergaardt, betrek word, het glo reeds in 2013 plaasgevind. Diergaardt (48), ’n...

Weer vir 23 Mei 2019

20 ure gelede | Weer

BINNELAND: Gedeeltelik bewolk en warm tot baie warm met 'n paar buie oor die sentrale hoogland en westelike platorand, maar mooi weer en baie warm...