Mnangagwa nog nie ingehuldig

Hof sê later oor Zim-verkiesing

13 August 2018 | Politiek
Pres. Emmerson Mnangagwa se plan om gister as die tweede president van ‘n onafhanklike Zimbabwe ingehuldig te word, is in dié land se hoogste hof beduiwel ’n dag nadat die opposisieparty, die Movement for Democratic Change (MDC), én die Amerikaanse regering gesê het hy het sy sege aan bedrog te danke.

Nelson Chamisa, leier van die MDC, se hersieningsaansoek oor die verkiesingsuitslag van 30 Julie bring die land se regbank voor sy grootste toets sedert oudpres. Robert Mugabe op 14 November 2017 in ’n staatsgreep gelei deur Mnangagwa uit sy pos verwyder is.

Chamisa het 44,3% van die presidensiële stemme gekry teenoor Mnangagwa se 50,8%. Maar die MDC beweer in sy hofstukke, waarvan AP ’n afskrif gesien het, dat daar grootskaalse bedrog en on­reëlmatighede was.

Me. Saima Sakaria, 'n saakgelastigde van die Namibiese ambassade in Harare, het Saterdagoggend amptelik die uitstel van die inhuldiging in 'n mediaverklaring bevestig.

Volgens die verklaring is die presidentsinhuldiging uitgestel om tyd te gee om sekere prosesse te volg. Sakaria het bygevoeg dat die Namibiese ambassade inligting sal verskaf soos wat verdere ontwikkelinge in Zimbabwe plaasvind.

Die amptelike inhuldiging van Zimbabwe se president sal waarskynlik eers ná die SADC-beraad plaasvind wat vandeesweek in Windhoek deur die streek se staatshoofde bygewoon word.

In een aanduiding van die verkiesingskommissie se partydigheid het die Zimbabwiese verkiesingskommissie (ZEC) se voorsitter onder meer ’n serp gedra net soos Mnangagwa s’n tydens sy veldtog vir Zanu-PF.

MDC-agente het ook glo nie kans gekry om verkiesingsuitslae op plaaslike vlak te bekragtig voordat dit aangekondig is nie, en die “ganse proses van samevoeging, verifiëring en tellery van die presidensiële stembriewe is onder ’n wolk van geheimhouding gedoen”, luidens die party se hofstukke.

Die MDC sê volgens sy eie telling het Chamisa meer as 600 000 méér stemme as Mnangagwa gekry, voordat die kieskommissie die uitslae “beknoei” het. Die kommissie weier die MDC glo toegang tot sy rekenaarstelsel.

Dr. Alex Magaisa, ’n Zimbabwiese lektor in regte in Brittanje en ’n medeskrywer van Zimbabwe se nuwe grondwet, sê artikel 93 van die grondwet bepaal dat ’n klagskrif wat binne sewe dae ná die bekendmaking van uitslae ingedien word, verhoed dat die president ingehuldig word totdat die dispuut besleg is.

Die hof het nou 14 dae om uitspraak te lewer. Die hof kan selfs ’n nuwe president aanwys, sou die gronde vir die petisie aanvaar word.

Luidens Magaisa se ontleding op sy webblad oor Zimbabwiese regskwessies, bigsr.co.uk, rus die bewyslas op Chamisa om bedrog te bewys. - Nampa/Netwerk24/BBC/Fin24

Soortgelyk

 

Geslagsgeweld bron van kommer op Rehoboth

8 ure gelede | Misdaad

Geslagsgebaseerde geweld (GBV) is ‘n groot bron van kommer vir inwoners van Rehoboth, met afhanklikheid wat volgens die Namibiese polisie die grootste bydraende faktor in...

Geingob op pad na Ethiopië

9 ure gelede | Regering

Denver Kisting – Pres. Hage Geingob vertrek môre na Ethiopië vir samesprekings oor die situasie in die Demokratiese Republiek van Kongo (DRK).Gemoedere loop steeds hoog...

Vermeende veediewe se turf sit

21 ure gelede | Misdaad

Elvira Hattingh Die Rehoboth Veemisdaadorganisasie (RLCO) het saam met die polisie verlede week 'n reusedeurbraak gemaak in 'n veediefstalsaak toe hulle nie net die waarskynlike...

Rehoboth-skietstilstand opgehef

21 ure gelede | Plaaslik

Denver Kisting – Die Windhoekse hoërhof het gister die Namibiese weermag (NDF) tot 16:00 gegee om van die perseel van die Rehoboth-skietklub pad te gee.Dít...

Oudsoldate se lêers 'verdwyn' uit pakhuis

21 ure gelede | Ministeries

Augetto Graig Tot 60 personeellêers met inligting van Namibiërs wat voor onafhanklikwording vir die Suid- Afrikaanse weermag (SADF) en destydse Suidwes-Afrikaanse Gebiedsmag (SWATF) geveg het,...

Weer vir 15 Januarie 2019

21 ure gelede | Weer

BINNELAND: Sonnig en baie warm in die Suide. Elders sal dit gedeeltelik bewolk en baie warm tot bloedig warm wees met enkele donderbuie in...

Man in vangwa gegooi, ure aangehou

21 ure gelede | Misdaad

Francoise Steynberg - 'n Egpaar van Swakopmund wat verlede Dinsdagoggend op die strand gaan stap het, het 'n nagmerrie-ondervinding met die polisie gehad.Mnr. Michael en...

Raaiselsterre verskyn en verdwyn by Koës

21 ure gelede | Plaaslik

Elvira Hattingh - Koës-inwoners was die afgelope Saterdag verstom toe ‘n reeks van tussen ses en nege “sterre” omstreeks 20:30 in ‘n reguit lyn in...

Seekoei soek lafenis in swembad

21 ure gelede | Omgewing

Francoise Steynberg - Help, daar's 'n seekoei in my swembad! Dit was een van twee vreemde versoeke die afgelope week aan die bekende wildveearts van...