MIV/vigs: 4 uit 5 ken hul status

Meer as 23 miljoen ontvang behandeling

24 July 2019 | Gesondheid
Henriette Lamprecht – Beduidende vooruitgang is in oostelike en suidelike Afrika op die gebied van die uitwissing van MIV/vigs gemaak.

Dié streke is die tuiste van 54% van die wêreld se inwoners wat met MIV leef.

Vigsverwante sterftes in die streek het van 2010 tot 2018 met 44% gedaal, terwyl die jaarlikse nuwe MIV-infekterings in dieselfde tydperk met 28% verminder het.

In teenstelling hiermee sê die jongste wêreldverslag van die Verenigde Nasies (VN) se Gesamentlike MIV/vigs-program (Unaids) het vigsverwante sterftes in Oos-Europa, Sentraal-Asië, die Midde-Ooste en Noord-Afrika in agt jaar met 9% gestyg.

Die jaarlikse aantal MIV-infekterings het ook in drie streke, nl. Oos-Europa en Sentraal-Asië, die Midde-Ooste en Noord-Afrika, en Latyns-Amerika respektiewelik met 29%, 10% en 7% gestyg.

Beleggings van lae- en middelinkomstelande in die bekamping van MIV/vigs het binne ‘n jaar met US$900 miljoen afgeneem.

Diskriminasie teen mense wat met MIV leef, is steeds ‘n algemene verskynsel in baie lande en word deur onregverdige wetgewing, aggressiewe wetstoepassing, geweld en teistering gekenmerk.

Gay mans en ander mans wat seks het met mans is verantwoordelik vir ‘n beraamde 17% van nuwe MIV-infekterings wêreldwyd, ingesluit meer as die helfte van nuwe infekterings in westelike en sentrale Europa en Noord-Amerika, 40% in Latyns-Amerika en 30% in Asië.

Binneaarse dwelmmisbruik is verantwoordelik vir 12% van wêreldwye infekterings, terwyl sekswerkers vir 6% van nuwe infekterings verantwoordelik is.

Volgens die Unaids-verslag het byna vier uit elke vyf mense wat met MIV saamleef hul status geken, het byna twee derdes antiretrovirale behandeling ontvang en was meer as die helfte se virale ladings onderdruk.

‘n Beraamde 23,3 miljoen van die 37,9 miljoen wat wêreldwyd met die siekte leef, het behandeling ontvang.

Dit is meer as drie keer as in 2010.

Die voorkoms van vigsverwante siektes het ook van 1,7 miljoen in 2004 tot 770 000 verlede jaar afgeneem.

Om die mylpaal van minder as 500 000 vigsverwante sterftes teen 2020 te behaal, word verdere afnames van sowat 135 000 per jaar vereis.

Volgens die verslag is sowat 160 000 kinders (0 tot 14 jaar) in die wêreld in 2018 met die virus geïnfekteer in vergelyking met die 280 000 in 2010 – ‘n afname van 41%.

Volgens die verslag het die uitbreiding en verbetering van dienste gemik op MIV en tuberkulose ook die aantal TB-verwante sterftes verminder onder mense wat MIV-positief is.

‘n Kombinasiebenadering van MIV-voorkoming het tot ‘n sterk afname in MIV-infeksies gelei.

Die gebruik van kondome in die grootste gedeelte van Afrika suid van die Sahara het die afgelope dekade toegeneem en lande is al hoe meer ontvanklik vir die gebruik van voorbehoeding voor blootstelling (PrEP) as ‘n bykomende manier om MIV te voorkom.

Meer as 300 000 mense wêreldwyd het PrEP ten minste een keer in 2018 gebruik – ‘n beduidende toename teenoor in 2017.

Vrywillige manlike besnydenis kry ook toenemend voorkeur en sowat 11 miljoen besnydenisse is sedert die aanvang van 2016 in 15 sleutellande uitgevoer.

Die verslag sê die voorsiening van ‘n omvattende dienste aan mense met die grootste behoeftes gebeur nie na behore nie.

Baie lande en streke is nie op koers om doelwitte te bereik soos vervat in die Verenigde Nasies (UN) se politieke verklaring om vigs te beëindig nie.

In 27 lande in die streek suid van die Sahara is kondoomgebruik onder hoërisikogroepe net 58,6% – ver van die wêrelddoelwit van 90% teen 2020.

In die ses lande met die hoogste voorkoms van MIV/vigs is minder as die helfte van mans besny.

Volgens die verslag is die wêrelddoelwit vir die verskaffing van antiretrovirale behandeling aan 1,6 miljoen kinders nie bereik nie, en is die afname van 41% in nuwe MIV-infeksies onder kinders sedert 2010 ver van die doelwit om dit teen 2020 met 90% te verminder.

Ook is die aantal nuwe infekterings wêreldwyd onder volwassenes (15 jaar en ouer) sedert 2010 ‘n skrale 13% minder.

Onder kinders en volwassenes van alle ouderdomme het die jaarlikse MIV-infekterings van 2,1 miljoen in 2010 tot 1,7 miljoen verlede jaar afgeneem – ‘n afname van 16% wat die wêreld steeds ver van die 2020-doelwit van minder as 500 000 nuwe infekterings laat.

Soortgelyk

 

KOLLIG Voorblad

20 ure gelede | Byvoegsels

Swakop hou Makietie bl. 4

ECN gaan Itula se aansoek teenstaan

20 ure gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

20 ure gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

20 ure gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

20 ure gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

20 ure gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

20 ure gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

20 ure gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

20 ure gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...