Ministerie gaan moet opdok

PS sê bedrag nog onbekend

27 February 2018 | Ministeries
Denver Kisting



Teen gistermiddag kon die ministerie van onderwys, kuns en kultuur nog nie sê hoeveel hy moet opdok vir amper drie jaar se aansporingsbetalings vir gekwalifiseerde onderwysers nie.

Me. Sanet Steenkamp, die permanente sekretaris (PS) van dié ministerie, het gesê hulle is nie die werkgewer nie en die eerste minister se kantoor behoort vrae oor die finansiële las van verlede week se arbeidshofuitspraak te lewer.

Adjunkregterpresident Hosea Angula het verlede week die Namibië Nasionale Onderwysers­vakbond (Nantu) gelyk gegee dat eise om aan­sporingsbetalings vir gekwalifiseerde onderwysers wel geldig is.

Dié eise spruit uit twee ooreenkomste tussen Nantu en die ­Namibiese regering wat onder­skeidelik op 23 Januarie 2009 en 8 November 2017 gesluit is.

Luidens die hofuitspraak is die interpretasie van die twee ­kontrakte bepalend.

Die uitspraak meld voorts dat die kantoor van die eerste ­minister op 11 September 2009 'n dokument uitgereik het wat drie aansporingsbetalings­kategorieë uiteensit – N$1 750, N$1 150 en N$750 onderskeidelik per ­gekwalifiseerde onder­wyser per maand afhangend van hul vlak van kwalifikasie.

Die hof moes beslis of die aansporing vir gekwalifiseerde onderwysers in 2009 'n bepaling en voorwaarde van hul diens­kontrak geword het en, sou dit wel die geval wees, of hierdie voorwaardes eensydig gewysig kon word deur die bekendstelling van die afgeleënheidstoelaag in 2012.

Indien die aansporing nie deel van onderwysers se ­dienskontrak geword het nie, moes die hof bepaal of die toelaag met die koms van die 2012-ooreenkoms verval het en indien nie, of die regering hulle terugwerkend van 1 April 2015 moet uitbetaal.

Angula het bevind die 2012-ooreenkoms het nie dié van 2009 verander of vervang nie.

“Die hof het dus in die guns van die appellante bevind dat die ­aansporing vir ­gekwalifiseerde onderwysers steeds geldig is en verskuldig is aan sodanige ­onderwysers.”

Steenkamp het gister gesê sodra hulle met die kantoor van die eerste minister beraadslaag het, sal sy meer klarigheid kan verskaf.

Soortgelyk

 

Studie-debakel vir Namibiërs in Zambië

1 dag gelede | Gesondheid

Die ministerie van gesondheid en maatskaplike dienste is deur die Namibiese hoë kommissariaat in Zambië gewaarsku dat twee universiteite in dié buurland waar 91 Namibiese...

Meatco heroorweeg BTW-besluit

1 dag gelede | Landbou

Nuus van Meatco se herinstelling van die betaling van 15% BTW (belasting op toegevoegde waarde) op alle beestransaksies by die abattoir, is deur die NLU...

Slaggate teen einde Julie herstel

1 dag gelede | Infrastruktuur

Die munisipaliteit van Windhoek verwag dat alle slaggate van die hoofstad se paaie teen einde Julie herstel sal wees. Die woordvoerder van die munisipaliteit, me....

Onderwyseres ‘ontvoer’ skoolmeisie glo vir seks

1 dag gelede | Howe

Henriette Lamprecht – ’n Onderwyseres van ’n hoërskool in die Suide het gister in die hof verskyn op aanklagte dat sy glo ’n skoolmeisie ontvoer...

Sokkerkoors loop hoog!

1 dag gelede | In beeld

Die opening van 2018 se Wêreldbekersokkertoernooi het gister by die Luzhniki-stadion in Moskou plaasgevind. Nagenoeg 80 000 sokkerliefhebbers het die seremonie bygewoon en die immerbekende...

Vakbond, regering stamp kop oor huishulpe

1 dag gelede | Arbeid

Augetto Graig – Die permanente sekretaris in die ministerie van arbeid, nywerheidsbetrekkinge en werkskepping, mnr. Bro-Matthew Shinguadja, sê daar steek geen waarheid in die Namibiese...

Vaarwel aan Daantjie Louw

1 dag gelede | Mense

Tielman van Lill - “Stil, broers, daar gaan ‘n man verby, hy groet, en dis verlaas . . . ”Só is die woorde van die...

Netumbo by slenters betrek

1 dag gelede | Ministeries

Denver Kisting – Slenters doen tans die ronde waarby die adjunk- eerste minister en die minister van internasionale betrekkinge en samewerking, me. Netumbo Nandi-Ndaitwah, betrek...

Weer vir 15 Junie 2018

1 dag gelede | Weer

WEERWAAK: ‘n Koue front en buie word in die ||Kharasstreek en suidelik kus verwag.BINNELAND: Gedeeltelik bewolk en koud tot matig in die Suide met enkele...