Minister wei uit oor landbou se begroting

Toewysings aan sektor daal met 1,7%

06 May 2019 | Ministeries
Elvira Hattingh



Altesaam 25,3%, of N$494,8 miljoen, van die ministerie van landbou, water en bosbou se ontwikkelingsbegroting sal vir die ontwikkeling van die Namibiese ­watersektor ingespan word.

N$242 miljoen sal vir die konstruksie van waterverskaffingsinfrastruktuur gebruik word. Dit sluit in om 'n loodsaanleg vir die herwinning van ­rioolwater by Gammams in Windhoek deur die Windhoekse munisi­paliteit te bou, asook NamWater se uitbreiding van die Oshakati- en Rundu-­watersuiweringsaanlegte.

Die minister van landbou, water en bosbou, mnr. Alpheus !Naruseb, het Dinsdag die landboubegrotingspos aan die parlement voorgelê.

Ondanks die feit dat meer as N$1,9 miljard vir die 2019-'20-boekjaar aan die ministerie toegestaan is, het !Naruseb sy teleurstelling ­uitgespreek dat al hoe minder geld uit die ­begroting jaarliks aan dié sektor toegestaan word.

“Hierdie begroting gaan om die basiese behoeftes van mense, naamlik brood-en-botter-kwessies, kos en water, waarsonder die lewe tot 'n ­stilstand sal kom.

“Toewysings aan die noodsaaklike sektor van die ekonomie het gedaal van 'n gemiddeld van 4,6% oor die ­afgelope 11 jaar tot die huidge 2,9% van die nasionale begroting.

“Dit is in teenstelling met Namibië se verbintenis wat betref die raamwerk vir die Volhoubare Ontwikkeling- agenda 2030, asook die Omvattende Afrika-landbouontwikkelingsprogram (CAADP), soos uiteengesit in die Maputo- en Malabo-verklarings.



BEDRYFSKOSTE

“Hiermee het ons onsself daartoe verbind om nie minder as 10% van die nasionale begroting aan landbou toe te staan nie,” het hy gesê.

!Naruseb het gesê sowat N$948 miljoen, of 48%, van die totale ­begroting is vir bedryfskoste geoormerk, terwyl die res, 'n rapsie meer as N$1 miljard, oftewel 52%, van die begroting in die ontwikkelings­begroting gebruik sal word.

!Naruseb het gesê net sowat 21,8% van die bedryfsbegroting, of N$427 miljoen, sal vir die ontwikkeling van die landbousektor ingespan word. N$98 miljoen moet vir die ­ministerie se landboumeganisasie- en saadverbeteringsprojek (Namsip) gaan, en N$293 miljoen vir onder meer Groenskema-projekte.

Dit sluit in die ontwikkeling van die Neckartaldam Fase 2 Besproeiingsprojek, die verwerking en bemarking van vars produkte, sowel as die toepassing van maatreëls om klimaatsverandering teen te werk.

!Naruseb het ook aangedui dat meer as N$35 miljoen toegestaan is vir die voltooiing van veeartsenyklinieke, asook akkommodasie vir ­amptenare landswyd.

“N$22 544 000, of 1,2%, is geoormerk vir die ontwikkeling van die bosbousektor, en N$66 082 000, of 3,4%, is vir toesighoudende en ondersteuningsdienste toegewys,” het hy gesê.

Soortgelyk

 

Gesondheid: Advertensie vals

5 minute gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

9 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

9 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

9 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

9 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

9 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

9 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

9 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

9 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...