Minister takel misdaad
Die minister van die omgewing en toerisme sê die onlangse aanvalle op toeriste skaad die land se beeld as toeristebestemming.
Francoise Steynberg
Die minister van die omgewing en toerisme, mnr. Pohamba Shifeta, is verheug daaroor dat misdadigers vasgevat word wat op toeriste toeslaan.
“'n Verdagte wat 'n misdaad teen 'n toeris gepleeg het, is verlede week in die landdroshof op Walvisbaai skuldig bevind en vir 'n jaar tronk toe gestuur. Nóg drie misdadigers, wat 'n toeris van N$24 000 beroof het, is skuldig bevind en sal Maandag gevonnis word,” het Shifeta in 'n mediaverklaring gesê.
“Dit is goeie nuus vir my en die hele toerismesektor.”
Die minister het die Namibiese polisie, Erongo se streekkommissaris en sy span vir hul waaksaamheid en harde werk bedank en daarvoor geprys dat hulle voortdurende gewelddadige aanvalle op toeriste in die kiem smoor.
Shifeta sê sy ministerie, al sy belanghebbers en die Namibiese polisie is daaraan toegewy om geen enkele misdaad teenoor 'n toeris te verdra nie.
Die minister sê die onlangse gewelddadige aanvalle op toeriste is vir hom kommerwekkend, want dit kan die land se beeld as 'n toeristebestemming skaad.
“Die veiligheid en sekuriteit van toeriste is 'n tameletjie vir elke land, want toeriste sal slegs gebiede besoek waar hul lewens en eiendom beskerm word. Die regering en die ministerie waardeer ons besoekers wat Namibië hul bestemming van voorkeur maak en van oraloor die wêreld kom om ons pragtige land en sy mense te sien en te ervaar.”
Hy sê elke land probeer 'n mededingende voordeel kry om toeriste te lok en toerismevloei te verhoog.
“Ons is bewus daarvan dat die sukses of mislukking vir Namibië om 'n toeristebestemming van voorkeur te bly, van 'n veilige omgewing vir reisigers afhang,” het Shifeta gemaan.
“Ek doen 'n beroep op alle Namibiërs om die veiligheid en sekuriteit van al ons toeriste en besoekers waar ookal in Namibië te verseker. Die Namibiese polisie kan nie sonder die publiek se samewerking suksesvol wees nie.”
Shifeta meen misdaad teen besoekers en toeriste moet as 'n ernstige ekonomiese misdaad beskou word.
“Kom ons beskerm ons ekonomie deur enige vermoedelike misdaad teen toeriste by die polisie aan te meld.”
Hy sê om misdaad teen toeriste te pak, kry voorkeur in sy ministerie.
Hy beoog om teen die einde van die jaar 'n strategie vir die veiligheid van die toerismesektor gefinaliseer te hê.
“Tot daar geen misdaad en geweld teenoor ons toeriste is nie, bly dit 'n uitdaging en waarskynlik een van die enkele grootste bedreigings vir ons toerismebedryf,” het Shifeta gewaarsku.
Die minister van die omgewing en toerisme, mnr. Pohamba Shifeta, is verheug daaroor dat misdadigers vasgevat word wat op toeriste toeslaan.
“'n Verdagte wat 'n misdaad teen 'n toeris gepleeg het, is verlede week in die landdroshof op Walvisbaai skuldig bevind en vir 'n jaar tronk toe gestuur. Nóg drie misdadigers, wat 'n toeris van N$24 000 beroof het, is skuldig bevind en sal Maandag gevonnis word,” het Shifeta in 'n mediaverklaring gesê.
“Dit is goeie nuus vir my en die hele toerismesektor.”
Die minister het die Namibiese polisie, Erongo se streekkommissaris en sy span vir hul waaksaamheid en harde werk bedank en daarvoor geprys dat hulle voortdurende gewelddadige aanvalle op toeriste in die kiem smoor.
Shifeta sê sy ministerie, al sy belanghebbers en die Namibiese polisie is daaraan toegewy om geen enkele misdaad teenoor 'n toeris te verdra nie.
Die minister sê die onlangse gewelddadige aanvalle op toeriste is vir hom kommerwekkend, want dit kan die land se beeld as 'n toeristebestemming skaad.
“Die veiligheid en sekuriteit van toeriste is 'n tameletjie vir elke land, want toeriste sal slegs gebiede besoek waar hul lewens en eiendom beskerm word. Die regering en die ministerie waardeer ons besoekers wat Namibië hul bestemming van voorkeur maak en van oraloor die wêreld kom om ons pragtige land en sy mense te sien en te ervaar.”
Hy sê elke land probeer 'n mededingende voordeel kry om toeriste te lok en toerismevloei te verhoog.
“Ons is bewus daarvan dat die sukses of mislukking vir Namibië om 'n toeristebestemming van voorkeur te bly, van 'n veilige omgewing vir reisigers afhang,” het Shifeta gemaan.
“Ek doen 'n beroep op alle Namibiërs om die veiligheid en sekuriteit van al ons toeriste en besoekers waar ookal in Namibië te verseker. Die Namibiese polisie kan nie sonder die publiek se samewerking suksesvol wees nie.”
Shifeta meen misdaad teen besoekers en toeriste moet as 'n ernstige ekonomiese misdaad beskou word.
“Kom ons beskerm ons ekonomie deur enige vermoedelike misdaad teen toeriste by die polisie aan te meld.”
Hy sê om misdaad teen toeriste te pak, kry voorkeur in sy ministerie.
Hy beoog om teen die einde van die jaar 'n strategie vir die veiligheid van die toerismesektor gefinaliseer te hê.
“Tot daar geen misdaad en geweld teenoor ons toeriste is nie, bly dit 'n uitdaging en waarskynlik een van die enkele grootste bedreigings vir ons toerismebedryf,” het Shifeta gewaarsku.
Kommentaar
Republikein
Geen kommentaar is op hierdie artikel gelaat nie