Minder lede vir gesondheidsrade

12 July 2018 | Ministeries
Henriette Lamprecht



Kleiner rade is een van die veranderinge wat die gewysigde wetsontwerpe vir die Raad op Gesondheidsberoepe in werking sal stel.

Dít om die koste te verminder verbonde daaraan om op dié rade te dien.

Die wysigingswetsontwerpe skrap ook die verkiesingsproses van raadslede en vervang dit met 'n bepaling vir nominasies deur medegesondheidslui en aanstellings deur die minister van gesondheid en maatskaplike dienste.

Tans is daar vyf wette vir gesondheidsberoepe in Namibië, wat 'n raad vir elke gesondheidsberoep vestig.

Die rade vir dokters en tandartse, sowel as maatskaplike werkers en sielkundiges, het elk 15 lede.

Die rade vir verpleegsters en aptekers het onderskeidelik 10 en 11 lede.

Die wysigingswetsontwerp maak voorsiening vir 'n vermindering in die bogenoemde aantal lede na agt per gesondheidsberoep.

Die raad vir verwante gesondheidsberoepe sal steeds 15 lede hê, omdat dit meer as 60 beroepe verteenwoordig.

Dr. Bernard Haufiku het in die motivering van die wysigingswetsontwerp gesê die vermindering in lede gaan nie 'n nadelige uitwerking op die uitvoer van die betrokke rade se pligte of funksies hê nie.

Volgens die minister is die rade onder die wet van 2004 gevestig deur verkiesings soos voorgeskryf deur die bepalings van artikel 7 van die betrokke wette.

Die ampstermyn van die verkose raadslede het in 2007 begin.

Vakatures het tydens die ampstermyn volgens die minister danksy sterftes of bedankings ontstaan, wat volgens wet op dieselfde manier gevul moet word as wanneer iemand die kantoor ontruim.

“Gevolglik is alle lede, behalwe dié wat direk deur die minister aangestel is, deur hul professionele gelyke en daarna deur die minister aangestel,” het Haufiku verduidelik.

Om die vakante poste te vul, moes verkiesings volgens voorgeskrewe prosedures gehou word.

Dié opsie was egter volgens die minister nie haalbaar nie en hy het sy magte in terme van die verwante bepaling van die wette gebruik om raadslede se ampstermyn te verleng.

Dít is ook by wyse van 'n kennisgewing in die Staatskoerant bekend gemaak. Die laaste verlengde amps­termyn van die lede het op 31 Maart ten einde geloop.

“Die verkiesings van rade kan tans nie plaasvind nie, omdat verkiesings volgens voorgeskrewe regulasies en prosedures van rade moet plaasvind, wat nie meer bestaan nie.”

Die wysigingswetsontwerp maak ook voorsiening vir die minister om geskikte lede in die afwesigheid van nominasies van instellings te kan aanstel.

Dit is om enige moontlike vakante poste en leemtes hok te slaan wat tans bestaan.

Soortgelyk

 

Naam van man bekend wat in ongeluk sterf

4 ure gelede | Ongelukke

Die 41-jarige man wat Donderdag in ’n ongeluk op die Outjo-Otavi-grondpad gesterf het, is as Smit de Wet Louw identifiseer. Die kop-teen-kop-botsing wat sy lewe...

Khomasstreek oor grondeienaarskap

16 ure gelede | Landbou

Elvira Hattingh - “Buitelanders se plase moet outomaties onteien word en boere moet tot 50% eienaarskap van hul plase aan plaaswerkers afstaan ten einde grondhervorming...

Windhoek 'in gróót moeilikheid'

16 ure gelede | Regering

Denver Kisting – Terwyl die verbruiker voortaan tot 300% meer vir sekere dienste moet opdok, het die stadsvaders van die Windhoekse munisipaliteit (CoW) pas ’n...

Weer vir 20 Julie 2018

16 ure gelede | Weer

BINNELAND: Gedeeltelik bewolk en matig tot warm in die Zambezi-, Kavango- en oostelike streek. Elders sal dit sonnig en matig tot warm wees. Dit sal...

Reho se /Uirab ‘in die pad gesteek’

16 ure gelede | Plaaslik

Denver Kisting – Mnr. Christoph /Uirab, uitvoerende hoof van die Rehoboth-dorpsraad, het agt maande van sy termyn tuis deurgebring./Uirab, wie se laaste werksdag vandag is,...

Kalender 13 Julie

16 ure gelede | Kuns en vermaak

Nou aan die gang» Anin Namibia bied tans ’n uitstalling in die Omba-galery aan. Hierdie keer het hulle groepsborduurprojekte en maatskappye genooi om deel te...

Siba sprankel by ekspo

16 ure gelede | Kuns en vermaak

Eet, smul en knaag bly maar hoogtepunte in baie van ons se dag. Vir sommige is dit ’n uitdaging om kos te maak en ander...

Kortbroektreffers uit Rocco se pen

16 ure gelede | Kuns en vermaak

Die bekroonde en uiters begaafde pianis Rocco de Villiers is terug met ’n splinternuwe popalbum, wat nie net vir die eerste keer met ’n Afrikaanse...

Drie maande om misdaad nek om te draai

16 ure gelede | Polisie

Tanja Bause – Die hoof van die Namibiese polisie, lt.genl. Sebastian Ndeitunga, het polisiebeamptes drie maande gegee om van misdaad in Windhoek ontslae te raak....