Minder admin vir reismiere

29 July 2019 | Ministeries
Henriette Lamprecht



Die langer geldigheidstydperk vir Namibiese paspoorte tree in werking sodra die bestelling paspoortboekies in die land aankom.

Namibiërs wat in die toekoms vir nuwe paspoorte gaan aansoek doen, se paspoort sal vir tien jaar pleks van net vyf jaar geldig wees. Dié besluit is verlede week deur die kabinet bekragtig.

Volgens die uitvoerende direkteur van binnelandse sake en immigrasie, mnr. Etienne Maritz, tree dit in werking die oomblik wanneer die nuwe besending paspoorte vroeg in September in die land aankom.

“Diegene wat geduldig is, sal met 'n paspoort geseën word wat vir tien jaar geldig is,” het Maritz by navraag gesê.

Volgens hom geld dit vir nasionale, diplomatieke en amptelike paspoorte. Maritz het weer beklemtoon die vertraging in die uitreiking van nuwe paspoorte behoort steeds teen die eerste week van September iets van die verlede te wees wanneer die besending paspoortboekies uit die buiteland verwag word.

Hy het gerugte ontken dat daar tans 'n tekort is aan die bruin reisdokumente wat as 'n tussentydse noodmaatreël in die plek van groen paspoortboekies uitgereik word aan mense wat as gevolg van mediese en ander dringende redes moet reis.

“Ons reik steeds noodreisdokumente uit vir dié wat dit werklik nodig het,” het hy Republikein verseker.

Die aankondiging oor die verleng­ing van die geldigheidstydperk van paspoorte is deur die minister van inligting en kommunikasietegnologie, mnr. Stanley Simataa, ná die kabinetsbesluit bekend gemaak. Volgens Simaata is dit duur om 'n paspoort te bekom en sal mense wat nie gereeld reis nie, nou meer tyd hê om hul paspoorte te gebruik.

Soortgelyk

 

14 'wildmisdadigers' vas

5 ure gelede | Misdaad

Altesaam 14 vermeende wildmisdadigers is verlede weke in hegtenis geneem, van wie vier elk in verband met renoster- en olifantstropery of horing- of ivoorsmokkelary of...

Verklaar raad nietig, sê Itula

21 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

21 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

21 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

21 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

21 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

21 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

21 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

21 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...