Miljoene vir Waterberg-buffels

Teen N$25 000 per kop verkoop

29 August 2018 | Ministeries
Francoise Steynberg - Namibië kry sowat N$5 miljoen vir 200 buffels van die Waterbergplato-park wat in Zambië in die Kavango-Zambezi-oorgrensbewaringsbied (Kaza) hervestig word.

Die Peace Parks-stigting (PPF) het verlede Donderdag die eerste 90 van 200 buffels aan gemeenskappe van Sisheke en Kazungula van die Simalaha-gemeenskapsbewaringsgebied in Zambië oorhandig. Die oorblywende 110 buffels sal volgende maand daar hervestig word.

Die woordvoerder van die ministerie van die omgewing en toerisme, mnr. Romeo Muyunda, het gister aan Republikein bevestig die buffels is teen N$25 000 per kop aan PPF verkoop. Die prys sluit volgens Muyunda die vang- en hervestigingskoste uit.

"Die buffels is aangekoop van die Waterbergplato-park wat sy drakrag vir die spesie oorskry het," lui 'n mediaverklaring van PPF.

"In Julie is 120 buffels gevang wat vir 'n maand in kwarantyngeriewe in Namibië gebly het waar hulle vir enige tekens van bek-en-klou-seer getoets en gemonitor is."

Volgens PPF is 90 van die gesertifiseerde siektevrye buffels verlede week in 'n 2 500 hektaar omheinde gedeelte van Simalaha se wildpark vrygelaat met 30 buffels wat vandeesweek daarheen verskuif sal word. 'n Bykomende 80 buffels sal volgens PPF in September gevang en na Simalaha verskuif word.

Die Simalaha-gemeenskapsbewaringsgebied bestaan uit 180 000 hektaar van kommunale grond en is geleë in ses sleutelwildgebiede in Kaza, naamlik die Chobe-Zambezi-gebied wat van die Chobe Nasionale Park in Botswana tot die Kafue Nasionale Park in Zambië strek.

Benewens die buffels is daar agt verskillende wildspesies in die wildpark van 24 000 hektaar in Simalaha hervestig wat voorheen daar voorgekom het. Daar is nou meer as 1 600 wild in die wildpark wat in 2013 gevestig is.

"Om siektevrye buffels in Simalaha as deel van Kaza te vestig is noodsaaklik, want dié lid van die Groot Vyf sal toerisme bevorder."

Kaza is die grootste oorgrensbewaringsgebied in die wêreld wat 37 beskermde gebiede van Angola, Botswana, Namibië, Zambië en Zimbabwe verbind. Die doel is om groot ekostelsels oor grense heen te bewaar en korridors te vestig wat die vrye beweging van antieke migrasieroetes van wild sal toelaat.

"Ons visie is om Kaza as 'n wêreldklas oorgrensbewaringsgebied en toeristebestemming te vestig. Hierbenewens is die sosioëkonomiese ontwikkeling van gemeenskappe wat saam met die wild moet leef, broodnodig," het dr. Nyambe Nyambe, uitvoerende direkteur van die Kaza-sekretariaat, gesê

Die aankoop van die buffels is moontlik gemaak deur die Peace Parks-stigting met die ondersteuning van skenkers. Die uitvoerende hoof van die PPF, mnr. Werner Myburgh, het ook die ministerie van die omgewing en toerisme as vennoot bedank.

Die ministerie het 'n jaar gelede 'n tenderproses begin om 600 van die 1 000 buffels in die Waterbergplato-park te verkoop. Die redes wat toe deur die ministerie verskaf is, is dat die drakrag van die Waterbergplato-park net genoeg vir 400 buffels is en die buffels soms uit die park ontsnap na omliggende plase in die omgewing van Otjiwarongo.

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...