Miljoene vir 24 dae se ongelukke

Botsings lóói fonds

26 September 2019 | Ongelukke
Denver Kisting – Die 50 sterftes en 331 beseerdes in motorongelukke tussen 1 en 24 September kan die Motorvoertuigongelukkefonds (MVAF) ’n totaal van meer as ’n halfmiljard kos.

Me. Surihe Gaomas-Guchu, die MVAF se hoof van korporatiewe aangeleenthede, sê die sterftes en ongevalle is tussen 1 September en 12:00 op 24 September op die land se paaie aangeteken.

Vir elk van die 50 sterfgevalle betaal die MVAF N$7000 per begrafnis, wat ’n totaal van N$350 000 meebring.

Hiernaas, sê Gaomas-Guchu, staan die fonds afhanklikes van oorledenes by tot ’n maksimum van N$100 000 per afhanklike.

Dié vergoeding word betaal wanneer die fonds sodanige afhanklikes kan bevestig, sê sy.

Altesaam 39 van die oorledenes is 20 jaar en ouer. Indien elk van dié mense net een afhanklike het, sal dié bystand die fonds N$3,9 miljoen uit die sak jaag.

Gaomas-Guchu sê die fonds sal mediese uitgawes tot ’n maksimum van N$1,5 miljoen vir elk van die 331 beseerdes dek om hulle te help om weer onafhanklik op hul voete te kom.

Sou almal dié hulp benodig, gaan dit N$496,5 miljoen kos.

Afhangend van die erns van die besering kan elk van die 331 beseerdes verder vir ’n beseringstoelaag ten bedrae van N$100 000 per persoon in aanmerking kom, sê sy.

Beseerdes is ook geregtig op ’n maksimum van N$100 000 per persoon vir die verlies aan inkomste, sê Gaomas-Guchu.

Die totaal van dié som wanneer die ergste situasie hom sou afspeel, beloop N$566,95 miljoen – of meer as ’n halfmiljard.

Khomas, Otjozondjupa swaar getref

Sy sê van die 182 ongelukke het die meeste (41%) in die Khomasstreek plaasgevind, gevolg deur 12% daarvan in die Otjozondjupastreek.

Hoewel die meeste beserings die afgelope 24 dae in dié twee streke voorgekom het, is die meeste sterftes in die Otjozondjupastreek aangeteken gevolg deur Oshikoto.

Altesaam 29, of 58%, van die sterftes was mans, terwyl 20, of 40%, vroue was en een persoon se geslag onbekend is.

Intussen is ’n openbare verhoor deur die parlementêre staande komitee oor die ekonomie en openbare administrasie met die MVAF gister gekanselleer omdat die komitee glo nie gereed was nie.

’n Verkeershoof verbonde aan die Namibiese polisie, hoofinsp. Rozario Coetzee, het die afgelope week oor die doodspoor op die land se paaie gesê dit lyk of Namibiërs op ’n selfdoodsending is. (Lees ook die berig op bl. 2.)

[email protected]

Soortgelyk

 

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

9 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...