Miljoene rol vir sonkrag
Reusebelegging vir Arandis
Des Erasmus - Die koms van die eerste sonkragveld het gister vir Arandis ’n belegging van N$80 miljoen gebring.
Dit is die bedrag wat die Ohlthaver & List-groep (Energy) in samewerking met Cronimet Mining Power Solutions van Duitsland en die Women of Destiny Trust gaan aanwend vir ’n projek aan die westelike buitewyke van die myndorp in sy oorgangsfase na ’n nywerheidsentrum.
’n Huurooreenkoms vir 25 jaar is gister in die raadsaal van Arandis tussen die dorpsowerheid en die ontwikkelaars onderteken. Die ondertekenaar namens die drie ontwikkelaars was die besturende direkteur van O & L Energy, mnr. Bernt Vincent Walbaum. Die ooreenkoms is deur die voorsitter van die bestuurskomitee van Arandis, mnr. Errikki Kapiye, en die hoof uitvoerende beampte van die munisipaliteit, me. Florida Husselmann, bekragtig.
Die ooreenkoms maak voorsiening vir die huur van 12,5 hektaar grond van die munisipaliteit vir die 25 jaar. Mnr. Kapendah het beklemtoon dat die termyn aan die einde van die eerste tydperk hernieu kan word.
Op die terrein van 12,5 hektaar gaan 12 000 sonpanele met ’n opwekkingsvermoë van 3 MW opgerig word. Die sooispitplegtigheid gaan vanjaar op 24 November wees en teen April 2017 behoort Arandis die ligte te laat brand. Die 3 MW sal in die netwerk van die kragverspreiders Erongo Red aangewend word en volgens mnr. Walbaum sal die kragprys billiker wees as dit wat Erongo Red nou aan NamPower as die grootmaatverskaffer moet betaal.
Oor die sooipitplegtigheid op 24 November en die bou van die projek, het Walbaum gesê ’n aanvanklike stiller tydperk gaan in die Kersseisoen intree, maar as by die ontwikkelingsplanne gehou kan word, gaan opwekking in April begin. In die ontwikkelingsfase sal sowat dertig werkgeleenthede vir die mense van Arandis geskep word.
Deel van die ontwikkeling gaan ’n inligtingsentrum vir besoekers wees. Ook dit word deur Kapendah verwelkom, omdat skoon, hernieubare krag ’n nuwe wagwoord in die wêreld se nywerheisontwikkeling geword het.
Walbaum het gesê daar was 25 belangstellende ontwikkelaars toe tenders vir die projek gevra is. Vir Ohlthaver & List, Cronimet Mining Power Solutions en die Women of Destiny Trust was dit ’n trotse oomblik toe hul tender geslaag het.
Tydens die kort plegtigheid is daarop gewys dat baie belangstelling reeds in die ontwikkeling van Arandis as ’n kragreus geheers het. Een daarvan is ’n dieselkragprojek met ’n opwekkingsvermoë van 120 MW. Van al die moontlikhede is die sonkragprojek nou die eerste wat ’n werklikheid word.
Dit is die bedrag wat die Ohlthaver & List-groep (Energy) in samewerking met Cronimet Mining Power Solutions van Duitsland en die Women of Destiny Trust gaan aanwend vir ’n projek aan die westelike buitewyke van die myndorp in sy oorgangsfase na ’n nywerheidsentrum.
’n Huurooreenkoms vir 25 jaar is gister in die raadsaal van Arandis tussen die dorpsowerheid en die ontwikkelaars onderteken. Die ondertekenaar namens die drie ontwikkelaars was die besturende direkteur van O & L Energy, mnr. Bernt Vincent Walbaum. Die ooreenkoms is deur die voorsitter van die bestuurskomitee van Arandis, mnr. Errikki Kapiye, en die hoof uitvoerende beampte van die munisipaliteit, me. Florida Husselmann, bekragtig.
Die ooreenkoms maak voorsiening vir die huur van 12,5 hektaar grond van die munisipaliteit vir die 25 jaar. Mnr. Kapendah het beklemtoon dat die termyn aan die einde van die eerste tydperk hernieu kan word.
Op die terrein van 12,5 hektaar gaan 12 000 sonpanele met ’n opwekkingsvermoë van 3 MW opgerig word. Die sooispitplegtigheid gaan vanjaar op 24 November wees en teen April 2017 behoort Arandis die ligte te laat brand. Die 3 MW sal in die netwerk van die kragverspreiders Erongo Red aangewend word en volgens mnr. Walbaum sal die kragprys billiker wees as dit wat Erongo Red nou aan NamPower as die grootmaatverskaffer moet betaal.
Oor die sooipitplegtigheid op 24 November en die bou van die projek, het Walbaum gesê ’n aanvanklike stiller tydperk gaan in die Kersseisoen intree, maar as by die ontwikkelingsplanne gehou kan word, gaan opwekking in April begin. In die ontwikkelingsfase sal sowat dertig werkgeleenthede vir die mense van Arandis geskep word.
Deel van die ontwikkeling gaan ’n inligtingsentrum vir besoekers wees. Ook dit word deur Kapendah verwelkom, omdat skoon, hernieubare krag ’n nuwe wagwoord in die wêreld se nywerheisontwikkeling geword het.
Walbaum het gesê daar was 25 belangstellende ontwikkelaars toe tenders vir die projek gevra is. Vir Ohlthaver & List, Cronimet Mining Power Solutions en die Women of Destiny Trust was dit ’n trotse oomblik toe hul tender geslaag het.
Tydens die kort plegtigheid is daarop gewys dat baie belangstelling reeds in die ontwikkeling van Arandis as ’n kragreus geheers het. Een daarvan is ’n dieselkragprojek met ’n opwekkingsvermoë van 120 MW. Van al die moontlikhede is die sonkragprojek nou die eerste wat ’n werklikheid word.
Kommentaar
Republikein
Geen kommentaar is op hierdie artikel gelaat nie