Miljoene geëis vir ‘onwettige’ aanhouding

Byna agt jaar agter tralies

08 February 2019 | Howe
Henriette Lamprecht – ’n Man wat vir sewe jaar, sewe maande en 17 dae sonder borgtog of verhoor aangehou is, eis miljoene se skadevergoeding van onder meer die aanklaer-generaal.

Mnr. Ali Moussa, ’n sakeman wat op Katima Mulilo in die Zambezistreek woon, dagvaar mnr. Primus Amwaama, ’n polisiebeampte, mnr. Martty Mbeha Mbukusa, asook die aanklaer-generaal vir skadevergoeding van byna N$28 miljoen.

Volgens Moussa is hy op 2 Mei 2007 by die polisiekantoor op Katima Mulilo sonder 'n lasbrief en “redelike of waarskynlike oorsaak onregmatig, onwettig, opsetlik en kwaadwillig in hegtenis geneem”.

Volgens hofstukke het Mbukusa op 8 Junie 2007 “vals klagte” van roof met verswarende omstandighede en ontvoering teen hom gelê.

Moussa sê voorts Amwaama en Mbukusa het geen goeie rede gehad om dié klagte te lê nie.

Tussen 2 en 21 Mei 2007 het die twee verweerders glo ook nie dié “valse inligting” teruggetrek nie.

Die aanklaer-generaal en sy personeel het, ondanks die “vals inligting” voortgegaan om die saak te ondersoek en hom te vervolg sonder voldoende inligiting om die ondersoek en klagte teen hom te regverdig, sê Moussa.

Volgens die hofstukke het die aanklaer-generaal van 7 Junie 2007 tot Mei 2015 geen bewyse gevind dat Moussa aan dié klagte skuldig is nie.

Ook kon Mbukusa hom glo nie by die beweerde oortredings betrek nie.

Van Desember 2008 tot 21 Mei 2015 het Mbukusa na Lebanon verhuis en sou nie na Namibië terugkeer om getuienis teen Moussa te lewer nie.

“Vir die tydperk 7 Junie 2007 tot Mei 2015 was die aanklaer-generaal ook bewus daarvan dat Mbukusa die verweerder nie by die beweerde oortreding kon betrek nie,” lui hofstukke.

Ten spyte hiervan is Moussa op 2 Mei 2007 sonder ’n lasbrief in hegtenis geneem en by die polisiekantoor op Katima Mulilo aangehou totdat hy op 8 Junie dieselfde jaar uiteindelik in die hof verskyn het.

Moussa is van 2 Mei tot November 2007 op Katima Mulilo aangehou, waarná hy tot middel Desember 2007 by die Ngoma-grenspos aangehou is.

Hierna is hy weer verskuif – dié keer na die militêre basis op Grootfontein, waar hy vir 10 dae aangehou is.

Volgens hofstukke is Moussa hierna na die Oluno-tronk op Ondangwa verskuif waar hy tot Junie 2009 aangehou is. Die laaste twee jaar van sy aanhouding is hy onderskeidelik in die Windhoek Sentrale Gevangenis aangehou (van Junie 2008 tot Junie 2012) en is hy weer terug na die polisieselle op Katima Mulilo (van Junie 2012 tot 19 Desember 2014).

Volgens Moussa is hy nooit gevra om te pleit nie en is hy ondanks verskeie hofverskynings nooit op dié aanklagte verhoor nie.

Hy is eers op 19 Desember 2014 ná ’n verskyning in die hoërhof op borgtog vrygelaat. Die klagte teen hom is eers op 21 Mei die volgende jaar teruggetrek.

Voor sy aanhouding was Moussa ’n bestuurder by Chip Shop CC, en het hy ’n salaris van N$25 000 per maand verdien.

Hy was ook die eienaar van ’n besigheid, Saaf City Klub and Accommodation, wat ’n minimum omset van N$100 000 per maand gehad het.

Die besigheid was toe N$1,2 miljoen werd.

Moussa eis skadevergoeding van N$27,9 miljoen vir onder meer “vernedering, skade aan sy selfbeeld en reputasie en die ontneming van sy vryheid”, asook die verlies aan inkomste.

Amwaama en die aanklaer-generaal beweer Moussa was sedert Maart 2007 reeds in polisie-aanhouding vir ’n ander saak wat verband hou met roof en ontvoering in Mei 2006.

In daardie stadium is nog agt mense met laasgenoemde klagte verbind.

Moussa is ook in Oktober 2007 op twee klagte skuldig bevind ná hy vervalste Namibiese dollars gebruik het.

Hy is toe ’n boete van N$13 000 of tronkstraf van sewe jaar opgelê.

Dié tronkstraf het hy in Grootfontein en Windhoek uitgedien, tot hy in verband met die vervalste geld in Junie 2012 vrygespreek is en na die afdeling vir verhoorafwagtendes in die Windhoek Sentrale Gevangenis verskuif is.

Die saak is tot 25 Maart vir voorverhoor uitgestel.

Soortgelyk

 

NIDA antwoord voor parlementêre staande komitee

4 ure gelede | Regering

NIDA, die nywerheidsontwikkeling agentskap wat die vorige NDC- en ODC-organisasies oorgeneem het, antwoord voor die parlementere staande kommittee op openbare rekeninge. Aan die woord is...

Windhoek se beursie leeg

20 ure gelede | Regering

Denver Kisting – Die verlies van die Windhoekse stadsraad (CoW) vir sy 2018-boekjaar is ’n kortkop duskant ’n miljard – meer as N$814,4 miljoen.Dié bedrag...

Man sterf in bootbrand

20 ure gelede | Ongelukke

‘n Brand wat Saterdagoggend op die Ocean Tide-stokvisboot ontstaan het, het die lewe van ‘n man geëis, het die polisie gister bevestig. Die boot was...

Kalahariwoestyn II skop skiet-skiet af

20 ure gelede | Polisie

Leandrea Louw op Walvisbaai – Twee sake van poging tot moord is die afgelope naweek langs die kus aanhangig gemaak.Dié sake hou verband met die...

Henties hou weer dié fees

20 ure gelede | Byvoegsels

Die organiseerders van die Hentiesfees sê vanjaar sal daar nog meer besoekers by die geleent­heid as vorige jare wees. Op 23 en 24 Augustus gaan...

Weer, Maandag 19 Augustus 2019

20 ure gelede | Weer

BINNELAND: Gedeeltelik bewolk en warm in die Verre Suide. Elders sal dit sonnig en warm tot baie warm met winderige toestande wees.KUS: Gedeeltelik bewolk en...

Nida moet sê oor groot geld

20 ure gelede | Plaaslik

Augetto Graig – Die soeklig val vanmiddag op die geldsake van die enorme agentskap vir nywerheidsontwikkeling in Namibië (Nida) wat in beheer van sowat N$2...

Opposisie: Verwyder Katrina

20 ure gelede | Politiek

Catherine Sasman – Die jeugliga van die Popular Democratic Movement (PDMYL) het ‘n beroep gedoen dat die veroordeelde oudgoewerneur van die Hardapstreek en oudminister van...

Raak liries oor 'Suidwes'

20 ure gelede | Byvoegsels

Die vyftiental Suid-Afrikaanse ­musikante wat die verhoog gaan deel by hierdie jaar se Hentiesfees, sluit onder andere die sangeres Jezelle, bekend vir haar liedjie “Suidwes”,...