Mielieboere plant, al is reën nog min

Desember was droewige maand

08 January 2019 | Landbou
Ronelle Rademeyer – Trekkers dreun op lande in die mieliedriehoek tussen Otavi, Grootfontein en Tsumeb nadat sommige plase die afgelope tien of wat dae neerslae van tussen 50 en 60 mm reën gehad het.

Mnr. Gernot Eggert, voorsitter van die Akkerbouprodusentevereniging (APV), het gister gesê die reënval was in Desember skraps en baie min boere kon toe al plant.

“Die natter, koeler toestande die eerste week in Januarie het ons gered. Die ideaal is om te wag tot ons 100 mm in die grond het en tot dusver het die meeste boere maar so 50 tot 60 mm reën gehad.”

Anders as in die meeste mielieverbouingsgebiede in Suid-Afrika waar boere net tot einde Desember kan plant om te verhoed dat die eerste ryp voorkom voordat die oes af is, het Namibiese boere effe meer speling.

Eggert sê hoewel Desember ook in Namibië die ideale planttyd is, kan boere nog tot die einde van Januarie plant. “Daar is egter boere wat weet die ryp kan hulle vroeër as vir ander boere raak en daarom moet hulle vroeër klaar plant.”

Hy sê die week van 14 Januarie gaan vir droëland-mielieboere bepalend wees. “As ons teen dan genoeg reën gekry het, sal die manne meer lande plant.”

Eggert sê hy het self nog net so kwart van sy lande geplant en glo as toestande verbeter, sal boere groter hoeveelhede plant.

Hy meen egter aangesien boere die plantperiode van middel-Desember gemis het, nie almal vanjaar al hul lande sal plant nie.

Me. Elize van Niekerk, 2018 se Meesterakkerbouer wat by Summerdown met mielies boer, sê sy het nog net 30 hektaar van haar beoogde 80 hektaar droëlandmielies geplant. “Die reën is laat vanjaar. Ek staan op 58 mm vir die seisoen. My beplanning is om 80 hektaar se droëlandmielies te plant, maar as ek teen 15 Januarie nie genoeg reën daarvoor gehad het nie, sal ek liewer net akkerbone plant.”

Van Niekerk het ook sowat 30 hektaar mielies onder besproeiing.

Intussen het kleinboere in die Kavango- en Zambezistreek ook baie onlangs eers begin plant, sê dr. Fidelis Nyambe Mwazi, uitvoerende hoof van die Akkerbouraad.

Hy die reën was ook in dié streke laat. In die kommunale boeregebiede van die sentrale Noorde lyk die situasie nog baie sleg en kon baie min boere al begin om mahangu te plant.

“Die eerste reën het eers aan die einde van Desember begin val,” sê hy.

Soortgelyk

 

Mexikaanse sakeman wil Erindi koop

22nd of May 13:20 | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

47 minute gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

1 uur gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

2 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

3 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

13 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

13 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

13 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

13 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...