Mexikaanse miljardêr wil Erindi koop

Alle werksgeleenthede verseker

23 May 2019 | Plaaslik
Francoise Steynberg - Die kooptransaksie van die private spogwildreservaat Erindi deur 'n Mexikaanse miljardêr is in sy finale fase.

"Die internasionale entrepreneur, filantroop en president van die konsortium BAL-groep, mnr. Alberto Baillères (87), 'n gerespekteerde Mexikaanse sakeleier, is besig om die kooptransaksie met Erindi se eienaars te finaliseer," lui 'n mediaverklaring van die BAL-groep.

"Die transaksie is steeds onderhewig aan die Namibiese Mededingendheidskommsie vir goedkeuring en ander voorwaardes, maar alle ander regerings- en regulatoriese goedkeurings is verkry en word ten volle nagekom."

Die mede-eienaar van Erindi, mnr. Paul Joubert, het gister aan Republikein gesê "ek is baie opgewonde oor wat vir Erindi en die land voorlê".

Volgens die verklaring is Baillères van voorneme om voort te gaan met Erindi se ekobewaring en die beskerming van sy unieke flora- en faunaspesies tot voordeel van alle Namibiërs en die land.

Alle werksgeleenthede by Erindi word ook verseker en selfs "nuwe en beter betaalde geleenthede sal in die land - direk en indirek - geskep word".

Baillères se doel is om Erindi te verbeter, op te gradeer tot 'n wêreldklas-toeristeattraksie en sy wildlewe te beskerm deur die beste teenstropery- en bewaringsinisiatiewe te implementeer.

Boonop het hy ervaring in die bestuur van verskeie wildbeskermingsplase in verskillende dele van die wêreld.

Baillères se regsverteenwoordiger, mnr. Koos Pretorius van Edward Nathan Sonnenbergs (ENSAfrica), het gesê die koper wil Erindi in 'n vlagskip- private wildreservaat omskep, en enige toekomstige wins sal hoofsaaklik in Erindi herbelê word tot voordeel van toekomstige geslagte van Namibiërs en die wêreld.

OU KUIERGAS IN DIE LAND

Volgens Pretorius het Baillères Namibië al verskeie kere besoek en hy bewonder die skoonheid van die land, asook die gees en hartlike gasvryheid van Namibiërs.

"Baillères het die belangrikheid van sy planne dat Erindi goed deur Namibiërs ontvang word, beklemtoon. Hy het dit van die begin af duidelik gemaak dat hy slegs die aankoop van Erindi sal voltooi indien alle wetlike vereistes ingestel is, en as hy en die belegging wat hy van voorneme is om te maak, deur Namibiërs verwelkom word," sê Pretorius.

"Terwyl Erindi nie geskik sou wees vir boerdery of hervestiging nie, het dit 'n belangrike potensiaal as 'n wildbewaringsgebied. Die koper se planne vir Erindi sal die toerismesektor, werkskepping en vaardigheidsontwikkeling, en natuurlik die Namibiese ekonomie, grootliks bevoordeel."

Nadat 'n saak tussen Erindi en die regering in die hoërhof gedraai het, is buite die hof geskik. Die kabinet het 'n maand gelede gelas die staat kan nie die wildreservaat van 65 000 hektaar bekostig nie.

"Die plase in Erindi is nie geskik vir hervestiging nie en kan ingevolge die wet op hervorming van landbougrond (kommersieël) nie as 'n hervestigingsplaas gekoop word nie," het die minister van inligting en kommunikasietegnologie, mnr. Stanley Simataa, toe gesê.

Erindi was vir bykans N$2 miljard in die mark, maar die Namibiese regering het gemeen dit is N$265 miljoen werd.

Bloomberg het Baillères in 2012 as die 35ste rykste persoon ter wêreld gelys met 'n waarde van US$19,3 miljard. Forbes beraam sy rykdom tans op US$8,3 miljard. Hy het op die ouderdom van 28 jaar ná die afsterwe van sy pa, mnr. Raúl Baillères, die BAL-groep oorgeneem. Die groep besit onder meer die naasbelangrikste Mexikaanse mynmaatskappy en die wêreld se grootste silwerprodusent.

Soortgelyk

 

Man steel glo mediese toerusting by staatshospitaal

1 uur gelede | Misdaad

Die polisie in die Kavangostreek het ’n man in hegtenis geneem wat na bewering mediese toerusting uit die staatshospitaal op Rundu gesteel het. Die man...

Man met hope wildprodukte vas

2 ure gelede | Misdaad

'n Namibiese man is verlede week op Divundu met 'n groot verskeidenheid beheerde wildprodukte glo in sy besit in hegtenis geneem. Mnr. Katoima Kandunda is...

Vol ambulans bots teen bees

6 ure gelede | Ongelukke

Drie staatspasiënte is vanoggend lig beseer toe ‘n ambulans van die ministerie van gesondheid en maatskaplike dienste ‘n bees op die hoofpad tussen Otavi en...

Miljoene gevra ná ongeluk leerling eis

17 ure gelede | Howe

Henriette Lamprecht – Die ouers van ’n matriekleerling wat in 2016 in ’n motorongeluk dood is en waarin haar vriend ernstig beseer is, dagvaar...

Media 'mishandel' Hage

17 ure gelede | Regering

Denver Kisting – ’n Hoë prys is vir Namibië se demokrasie betaal en strukture mag nie vir persoonlike en politieke gewin misbruik word nie. “Ons...

VERKIESINGS 2019: PRESIDENSIËLE KANDIDATE

17 ure gelede | Politiek

Bernardus SwartbooiLandless People's Movement (LPM) Bernardus Clinton Swartbooi het weggebreek van Swapo toe hy in 2017 weens kritiek teen die regering gedwing is om as...

Weer vir 11 November 2019

17 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderstorms in die Noorde, Noordooste en oostelike dele. Elders sal dit gedeeltelik bewolk...

Namibië, China se band opnuut gekap

17 ure gelede | Regering

Denver Kisting – Pres. Hage Geingob loop veral in die sosiale media deur nadat China se premier, me. Sun Chunlan, gesê het dié land en...

‘Gevaarlike’ man ná vyf dae aangekeer

17 ure gelede | Misdaad

Denver Kisting – Vyf dae nadat ’n man onder polisiebewaking uit ’n hospitaal verdwyn het, is mnr. San Ricky Geingob weer agter tralies.Hoofinsp. Kauna Shikwambi,...