Mesmoorde in stad sowel as Noorde

26 July 2020 | Misdaad
Die Namibiese polisie het vanmiddag lig gewerp op vier moordgevalle wat die naweek gebeur het.
Volgens hoofinspekteur Kauna Shikwambi, hoof van Nampol se openbare skakelafdeling, het ’n 37-jarige Namibiese vrou haar 45-jarige kêrel Saterdag omstreeks 14:30 op Outjo met ’n okapi-mes in die bors gesteek. Hy het aan dié wonde beswyk.
Dit word beweer die paartjie het gestry en hy het haar grond toe geklap. Toe sy opstaan, het sy glo die mes gryp en hom doodgesteek. Sy is in hegtenis geneem en die oorledene se familie is in kennis gestel, terwyl die polisie-ondersoek voortduur.
• Dieselfde aand omstreeks 20:00 in Freedom Square, Katutura, het ’n 47-jarige man sy jonger broer (27) glo met ’n mes in die bors doodgesteek.
Volgens Shikwambi word beweer die twee het oor ’n baadjie gestry, wat die jonger broer sonder toestemming geneem het. Hy is by die Katutura staatshospitaal oorlede en die verdagte is in hegtenis geneem. Die familie is in kennis gestel en die polisie ondersoek steeds die saak.
• Saterdagoggend om 01:00 op Katima Mulilo is ’n 28-jarige Namibiese man by Suncity Bar in die Cowboy-woonbuurt gedurende ’n geveg met ’n skroewedraaier teen die linkeroor doodgesteek.
Niemand is nog in die verband in hegtenis geneem nie. Die ondersoek duur voort.
• Beswaarlik ’n uur later, tussen 02:00 en 03:00 by die Chezban Bar op Otjiwarongo, is ’n 20-jarige Namibiese man met ’n onbekende voorwerp doodgesteek. Die polisie ondersoek die saak, waarin niemand nog in hegtenis geneem is nie.

Soortgelyk

 

Covid-19: Verkiesings ‘kompleks, intens’

1 uur gelede | Politiek

Denver Kisting en Kristien Kruger – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê om die plaaslike owerheid- en streekraadsverkiesings later...

Eina, jou doring

1 uur gelede | In beeld

Kristien Kruger het die foto van die geelvink wat op ’n doringdraad hardloop in haar tuin in Klein Windhoek geneem.

‘Kommerwekkende styging’ in Windhoek-gevalle

1 uur gelede | Gesondheid

Henriette Lamprecht – Die aantal Covid-19-gevalle in Windhoek is besig om vinnig te styg, ‘n situasie wat deur die minister van gesondheid en maatskaplike dienste,...

Sluit van howe in openbare belang- Dausab

1 uur gelede | Howe

Denver Kisting – Me. Yvonne Dausab, die minister van justisie, sê hoewel hofdienste, wat ’n integrale deel van geregtigheid vorm, beperk sal wees vanweë beskikbaarheid...

Weer vir 12 Augustus 2020

1 uur gelede | Weer

WEERWAAK: Koue toestande sal in die Suide voorkom. BINNELAND: Sonnig en matig in die Suide. Elders sal dit sonnig en warm tot baie warm wees....

Uitlewerings op ys weens virus

1 uur gelede | Misdaad

“Daar is individue van belang, wat vermoedelik in ons buurlande is; sommige is opgespoor en (ons) wag op die afhandeling van die vereiste administratiewe prosesse.”...

Eros se aanloopbaan opgeknap

1 uur gelede | Vervoer

Ronelle RademeyerOfskoon daar nie geld is vir omvattende rehabilitasie van die aanloopbaan by die ­Eros-lughawe in Windhoek, gaan tussentydse herstelwerk oor die volgende drie maande...

Trane loop nog steeds oor Frieda Ndatipo

1 uur gelede | Mense

Jana-Mari SmithSes jaar nadat die ­ongewapende protesteerder me. Frieda Ndatipo gedurende 'n geveg tussen die Swapo-strydkinders en die Namibiese polisie voor Swapo se hoofkantoor doodgeskiet...

Lesersfoto's 12 Augustus 2020

1 uur gelede | Lesersfoto's

Gelukkige varkie: “Dit is soos dit hoort,” sê Björn Basler. Familie: AK van Donkerhoek het die foto van die wilde perde by Aus geneem. Mooi:...