Mercury City op pad na Brasilië

Neymar Juniors Five-toernooiwenners

07 May 2019 | Onderwys
Evany van Wyk

Mercury City, van Walvisbaai, is op 27 April in Windhoek as die Neymar Juniors Five-sokkertoernooiwenners aangekondig, met Dream Team in die tweede plek en Khuse Lions in die derde plek.

Mercury City is ’n maand gelede eers op die been gebring en bestaan uit ’n groep goeie vriende.

Die spanlede is Luciano “Luci” Fischer (23), Mariano “Marci” January (21), Colan Coleman (16), Innocent Emvula (23), Jasetes Shimpanda (24), Petrus Nangham (27) en McAllen Christ (29).

“Die toernooi het ons geleer om nooit fokus te verloor nie, om nie vir ’n sekonde te dink jy is beter as ander nie, en om nooit jou opponente te onderskat nie,” het Nangham gesê.

Volgens hom het hulle meer verantwoordelikheid vir hul aksies geneem, want dit het ’n regstreekse invloed op almal in die span.

“Die grootste les wat ons geleer het, was dat niks in die lewe maklik kom nie; jy moet werk vir alles wat jy wil bereik,” het Nangham gesê.

Richard Parkhouse, nasionale musketier by Red Bull, die toernooi se hoofborg, sê hy voel die toernooi verenig gemeenskappe.

“Die toernooi help om Namibiese talent op die wêreldkaart te plaas en gee die jeug die geleentheid om op internasionale vlak mee te ding,” het hy gesê.

Presiese syfers kan nie bekend gemaak word nie, maar volgens Parkhouse was dit die grootste Red Bull-geleentheid nog in Namibië.

Die gedugte span vriende het ook ’n paar uitdagings ervaar, soos onder meer die reis na Windhoek.

Weens werksverpligtinge kon Mercury City nie Vrydagoggend vroeg reeds vertrek nie en moes hulle noodgewonge deur die nag ry.

Hulle het omstreeks 03:00 die Saterdag in Windhoek aangekom. Toe die span eindelik by hul slaapplek aankom, was dit vol bespreek.

Die span kon eers omstreeks 04:00 slaapplek kry en het derhalwe net drie ure geslaap.

“Ons het besluit dit gaan ons nie onderkry nie, want ons het gekom vir ’n rede en dit was om na Brasilië te gaan,” het Nangham gesê.

Die spanlede se raad aan jongmense is om nooit te dink die geleentheid is te groot nie.

“Ons het teen Namibië se beste spelers gespeel en dit was nie maklik nie,” het Colan Coleman, Mercury City se jongste spanlid, oor hul mededingers gesê.

“Dankie aan die borge wat my droom en soveel ander se drome ook waar gemaak het; ons gaan ons alles in Brasilë gee en Namibië se vlag hoog hou,” het Coleman gesê.

Mercury City voel hierdie soort geleentheid is belangrik omdat dit soveel deure vir jongmense oopmaak.

Die span het ná die groot wen hul oorwinning by een van hul ondersteuners se huise in Windhoek gevier, maar die werklike vieringe het op 6 Mei plaasgevind.

“Ons het hard gewerk hiervoor, so ons het beslis ’n lekker dag op die strand verdien,” het Nangham gesê.

Soortgelyk

 

Houtskoolbedryf sien enorme groei

2 dae gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

2 dae gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

2 dae gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

2 dae gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

2 dae gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

2 dae gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

2 dae gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

2 dae gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

2 dae gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...