Mense oor miltsiekte gewaarsku ná 2 uitbrekings

Vee, wild vrek by Sesfontein en Bwabwata

16 November 2018 | Gesondheid
Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié gebiede aangemeld is.

Dit blyk 13 mense van die Sesfontein-omgewing het vermoedelik reeds miltsiekte opgedoen nadat 35 mense in die gebied die vleis van diere geëet het wat weens dié gevreesde siekte gevrek het.

Mense in die gebiede is gevolglik gewaarsku om nie die vleis te eet van diere wat gevrek het nie en om kontak met die karkasse van sulke diere te vermy.

Dié inligting is laat Woensdag deur die ministeries van landbou, water en bosbou en gesondheid en maatskaplike dienste bekend gemaak.

Volgens die ministeries is 92 skape en bokke, drie beeste en drie donkies by Sesfontein in die noordweste van die land aan miltsiekte dood. Terselfdertyd is ’n uitbreking van miltsiekte ook in die Bwabwata Nasionale Park aangemeld nadat 23 buffels gevrek het. Geen vrektes onder vee is in dié noordoostelike gebied aangemeld nie en geen mense is ook vir simptome van die siekte behandel nie.

’n Bewegingsverbod is dadelik deur die direktoraat veeartsenydienste ingestel en geen diere mag hierdie gebiede verlaat of daarheen vervoer word nie. Verder is ’n tegniese ondersteuningspan bestaande uit epidemioloë deur die ministerie van gesondheid en maatskaplike dienste in die gebiede ontplooi.

Veeartsenybeamptes is ook na die geraakte gebiede gestuur om monsters by diere met simptome te neem en dit te laat toets.

Verder is 44 mense in die Kunenestreek wat moontlik aan die siekte blootgestel is, voorkomend behandel.

Medici by die gesondheidsentrum op Sesfontein en die hospitaal op Opuwo monitor ook mense wat daar opgeneem word vir simptome wat op miltsiekte dui, lui die verklaring.

Miltsiekte, of antraks, is ’n ernstige bakteriële siekte wat diere sowel as mense siek maak. Die Bacillus anthracis-bakterie kan vir jare in die grond oorleef. Dit word deur spore versprei.

Dié twee ministeries, in samewerking met die polisie, plaaslike, streeks- en tradisionele owerhede, asook boere in die gebiede is tans besig om die karkasse van diere, die plekke waar die diere gevrek het, asook dié diere se vleis op te spoor en die nodige voorsorgmaatreëls teen die verdere verspreiding van die siekte te tref.

Boere elders in die land is versoek om hul diere voorkomend teen miltsiekte in te ent.



KASSIE

Simptome by diere

· Algemene swakheid

· Asemnood

· Bewing, lompheid, strompeling

· Geen eetlus, melk droog op

· Swanger diere aborteer

· Skielike vrektes sonder tekens van siekte

· Donkerkleurige bloed uit die neus, mond en anus

· Diere wat gevrek het, blaas op en ontbind vinnig

Simptome by mense

Die bakterie kan die liggaam deur oop velwonde, inaseming en deur die eet van besmette vleis binnedring.

· Knoppe soos insekbyte op die vel, swart in die middel

· Swelling van kliere naby dié seerplekke

· Naarheid en braking

· Abdominale pyn

· Hoofpyn

· Geen eetlus

· Koors

· Keelseer

· Geswelde nek

· Bloederige diarree

· Griepsimptome soos keelseer, lyfseer, matige koors en moegheid

· Benoudheid

· Moeite om te sluk

· Kan bloed hoes

· In gevorderde stadium kan dit meningitis veroorsaak

Soortgelyk

 

Eis van miljoene ná miskraam

6 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

6 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

6 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

6 ure gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

6 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

6 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...

Padgebruik al duurder

6 ure gelede | Infrastruktuur

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Weer vir 21 Mei 2019

6 ure gelede | Weer

BINNELAND: Mestal mooi weer en baie warm in die Noordooste. Elders sal dit gedeeltelik bewolk en warm tot baie warm, maar koud in die...

Kragverspreider gedagvaar

6 ure gelede | Howe

Henriette Lamprecht – ’n Ma van Mondesa op Swakopmund dagvaar die Erongostreek se kragverspreider ná die dood van haar minderjarige dogter. Theonese Anthea Simon is...