Meeste Covid-gevalle op Rehoboth asimptomaties

19 November 2020 | Gesondheid
Henriette Lamprecht – Hoewel net drie Covid-19-gevalle op Rehoboth gister deel van die nuutste gevalle vir die land was, het die ministerie van gesondheid en maatskaplike dienste ’n plan ingestel om die virussiekte op dié dorp hok te slaan.

Volgens die minister, dr. Kalumbi Shangula, sluit dit geografiese kartering en uitgebreide geteikende toetsing in. Shangula het beklemtoon die gevalle wat die afgelope twee weke op die dorp aangeteken is, was kontakte van bevestigde gevalle en is meestal deur die opspoor van kontakte geïdentifiseer. Die meerderheid toon geen simptome nie en vereis nie hospitalisasie nie, sê die minister.

Volgens hom was daar geen versoek van gesondheidsgeriewe op die dorp vir bykomende personeel nie. ’n Ondersteuningspan van die ministerie was egter vandeesweek op die dorp om ondersteuning te verleen.

Intussen berig Dani Booysen oor die laaste sewe dae waarvoor data beskikbaar is: teen Maandag het Rehoboth elke dag gemiddeld meer as tien nuwe gevalle van Covid-19 aangeteken.

Dit is meer as dubbeld die gemiddeld van vyf gevalle per dag die week tevore. Drie weke gelede was die daaglikse gemiddeld vier – ’n merkbare toename van die distrik se daaglikse gemiddeld van minder as een per dag.

Sover in November is reeds 106 nuwe gevalle hier aangeteken.

Rehoboth ervaar sedert 28 Oktober ’n merkbare toename in bevestigde gevalle van Covid-19. Op daardie Woensdag is sewe nuwe gevalle op die dorp bevestig en op Vrydag 30 Oktober nog agt.

Na wat verstaan word, het die begrafnis waaraan verspreiding sedertdien hoofsaaklik toegedig word op Saterdag 31 Oktober plaasgevind.

Oordrag het dus moontlik reeds vóór die nou veelbesproke teraardebestelling begin.

Die ministerie het die eerste keer op 8 November, net meer as ’n week later, van dié begrafnis (en ander) melding gemaak toe 16 gevalle vir Rehoboth aangekondig is.

Op 11 November is die meeste van ’n bykomende elf gevalle aan verspreiding na kontakte van begrafnisgangers toegeskryf, asook meer as 30 van die nuwe gevalle wat sedert verlede week op die dorp bevestig is.

Soortgelyk

 

Twee vas vir moord op Daniele Ferrari

3 ure gelede | Misdaad

Ronelle Rademeyer - Twee mans van die Havana- informele nedersetting verskyn vandag in die Windhoek-landdroshof in verband met die wrede moord op mnr. Daniele Ferrari...

Vermoorde vrou naak by Vierkantklip gevind

3 ure gelede | Misdaad

Ronelle Rademeyer - Teen laat gister was die vrae oor die lot van die 26-jarige vrou van Mondesa op Swakopmund wie se naakte lyk knap...

Polisiebeamptes ‘verdwyn’ met kiesmateriaal

3 ure gelede | Politiek

Hoofredaksie en Ester Kamati op Otjiwarongo - Twee polisiebeamptes wat Dinsdagaand met verkiesingsmateriaal op Otjiwarongo “verdwyn” en eers 40 minute voordat stempunte gisteroggend geopen het...

Weer vir 26 November

3 ure gelede | Weer

BINNELAND: Sonnig en baie tot bloedig warm in die Suide, andersins gedeeltelik bewolk en baie tot bloedig warm met 'n paar tot geïsoleerde donderbuie oor...

26 leerlinge toets positief vir Covid-19

10 ure gelede | Gesondheid

Uit die 68 nuwe Covid-19-gevalle wat vandag aangemeld is, is 26 leerlinge. Dit sluit 23 van die hoërskool St. Joseph in Windhoek en drie leerlinge...

Vrou se lyk by Vierkantklip op strand gevind

15 ure gelede | Misdaad

Die polisie het pas bevestig hulle is besig met 'n ondersoek op die plek waar die lyk van 'n vrou vanoggend deur "'n private persoon"...

Drie lorries bots naby Okahandja

1 dag gelede | Ongelukke

Ronelle Rademeyer - ‘n Vragmotorbestuurder moes met Kake van die Lewe uit die verfrommelde kajuit van sy lorrie verwyder word toe drie vragmotors kort ná...

Boer vooruit met min grond, min reën

1 dag gelede | Byvoegsels

Elvira Hattingh – ‘n Jaar en ‘n half nadat mnr. Johan Bean met sy intensiewe, maar baie suksesvolle skaapboerdery op sowat 5 ha grond in...

Veilings ly onder dalende veegetalle

1 dag gelede | Byvoegsels

Ellanie Smit – Hoewel Agra se omset in die 2019-’20 finansiële jaar gestyg het, het sy afdeling vir veilings deurgeloop omdat minder vee bemark is....