Meer as N$16 m. aan mens-dier-konflik bestee

Leeus, luiperds, olifante grootste sondaars

29 July 2019 | Omgewing
Francoise Steynberg - Die ministerie van die omgewing en toerisme het tussen 2008 en 2018 sowat N$16,5 miljoen bestee om vir verliese weens mens-dier-konflik te vergoed.

In 2008 is slegs N$70 000 aan mens-dier-konflik bestee, maar verlede jaar is byna N$2,4 miljoen uit die sak van die ministerie betaal, sê mnr. Richard Fryer, hoofbewaringsbeampte van wildondersteuningsdienste in die ministerie. Hy meen vanjaar kan dit nóg meer wees, veral in die huidige versengende droogte.

Tussen 2017 en 2019 is altesaam 147 probleemdiere deur beamptes van die ministerie of trofeejagters van kant gemaak. Leeus is die grootste sondaars, waarvan 34 geskiet is, 29 olifante en luiperds elk, gevolg deur 22 hiënas.

Gebiede waar die meeste probleemdiere in hierdie tydperk van kant gemaak is, is die Otjozondjupastreek met 28 probleemdiere, gevolg deur die Zambezistreek met 23 probleemdiere. Twee-twintig probleemdiere, waarvan 16 leeus is, is rondom die Etosha Nasionale Park doodgeskiet.
Volgens die ministerie behels konflik tussen mens en dier die vernietiging van gewasse, verlies van vee, beskadiging van infrastruktuur soos waterinstallasies, heinings en huise, en ook mense wat beseer word en selfs met hul lewe boet.

Die woordvoerder van die ministerie, mnr. Romeo Muyunda, sê sewe seekoeie, drie krokodille, 'n leeu en 'n luiperd het tussen April 2018 en Maart vanjaar 12 mense beseer.

"Altesaam 1 246 veeverliese is landswyd gely en meer as 1 400 hektaar se gewasse is deur wilde diere, hoofsaaklik olifante, vernietig."

Muyunda sê alle gevalle word nie altyd gerapporteer nie.

MAATREëLS

Van die maatreëls wat geïmplementeer is om mens-dier-konflik te voorkom, is volgens Fryer 15 leeus wat in 2018 met nekbande toegerus is, en een vroeë waarskuwingstelsel wat in die kommunale bewaringsgebiede van Torra en Anabeb ontplooi is.

Vyftien nekbande is gekoop, met 12 olifante wat dié bande in die probleemgebiede van Omatjete, Ugab, Kamanjab, en noord van Etosha toegerus is.

Elf karnivoorbestande krale is in die Kunenestreek opgerig, twee nuwe beskermingsmure is by Okongwe gebou en 'n muur is opgeknap. Ook in dié streek word voortgaande opleiding aan leeuwagters deur die organisasie Geïntegreerde Landelike Ontwikkeling- en Natuurbewaring (IRDNC) en die Desert Lion Trust verskaf.

Veelvuldige stoorgeriewe is in die Ohungu-bewaringsgebied opgerig en in die noordelike-sentrale gebiede is tien graansilo's en vyf watertenke oorhandig. In die bewaringsgebiede van die Erongostreek is 15 boorgate gerehabiliteer en met PVC-pype en sonkrag opgegradeer, asook vyf krippe vir olifante gebou.

In die Maurus Nekaro-bewaringsgebied in die Kavango-Wesstreek is een boorgat geboor. Ook in dié streek is drie watertenke en sement gekoop om waterinfrastruktuur te herstel wat deur olifante beskadig is. 'n Brandrissietuin om olifante weg te hou, is by die ministerie se kantoor op Ongwediva hervestig.

"Personeel van die ministerie ondersoek voortdurend konflikvoorvalle, verskuif probleemdiere, jaag hulle terug in parke in, herstel heinings, bou beskermde infrastruktuur, skep bewustheid, en deel inligting en raad," sê Fryer.

Soortgelyk

 

Geingob: Kabinet sien mense se woede oor kurrupsie

14 ure gelede | Regering

Pres. Hage Geingob het vanoggend vanjaar se die laaste kabinetsvergadering gelei.Hy sê die land se topleierskap is bewus van die huidige korrupsiestorm in die visbedryf,...

Von Bach, Daan Viljoen kry water

14 ure gelede | Omgewing

Die Von Bachdam is nou 2,5% voller as Maandag. Teen 09:00 vanoggend het 3,4 m³ water die dam elke sekonde binnegevloei. NamWater het pas ’n...

NHE to build houses in informal settlement

1 dag gelede | Infrastruktuur

The National Housing Enterprise (NHE) has embarked on a pilot study for the construction of houses for qualified land owners living in informal settlements.Speaking at...

Crafting a future

1 dag gelede | Mense

Elizabeth JosephFrancois Wahl studied B.Acc at Stellenbosch University and is a qualified chartered accountant. Since taking the seat as the CEO of Nictus Furnishers, he...

Oordragplanne van Hatuikulipi’s gefnuik

1 dag gelede | Misdaad

Ronelle Rademeyer - Die Teenkorrupsiekommissie (ACC) het gistermiddag by die aktekantoor in Windhoek beslag gelê op dokumente vir die oordrag van 15 deeltiteleenhede op Swakopmund...

Waarskuwing: Swaar storms tot Saterdag

1 dag gelede | Weer

Elvira Hattingh - Terwyl ’n vrou van Otjiwarongo Woensdag gesterf het toe reënwater haar meegesleur het, waarsku die Namibiese weerkantoor nog swaar storms kan tot...

Highly mechanised

1 dag gelede | Mense

Justicia Shipena Vivacious Marco Swart is a mechanical technician in the packaging engineering department at Namibia Breweries Limited (NBL) - a subsidiary of the Ohlthaver...

Compassion is the new fashion

1 dag gelede | Mense

Evany van WykMarizelle Pienaar lives by the motto, “the more you have to do, the more you get done.” She believes in being a balanced...

Never say never

1 dag gelede | Mense

Mariselle StofbergHester Uushona is a firm believer that being average in life is not an option. She strives towards making her mark while providing others...