Meer as 50 gesondheidswerkers in kwarantyn
Die styging in Covid-19-gevalle plaas aanvullende druk op menslike hulpbronne wat aan die voorpunt van die pandemie staan.
Jemima Beukes – Die skielike toename in Covid-19-gevalle het die oënskynlik swak voorbereide gesondheidstelsel onkant betrap en meer as 50 gesondheidswerknemers buite aksie gestel.
Dié werknemers, wat verpleërs insluit, staan aan die voorpunt van die stryd teen die pandemie.
Mnr. Junias Shilunga, die waarnemende hoofsekretaris van die Namibië Verpleërsvakbond (Nanu), het dié wending bevestig.
Volgens hom word verpleegpersoneel gedwing om een wegdoenbare masker vir meer as twee weke te dra vanweë ’n nypende tekort. “Dit is die situasie op die grond. Die verpleërs staan aan die voorpunt en hulle beland deurgaans in nabye kontak met positiewe gevalle – soms bewustelik en soms onbewustelik.”
Shilunga het ook kommer uitgespreek oor die beweerde roekeloosheid van sommige gesondheidsopleidingsentra wat studente uitstuur om te werk sonder enige beskermingstoerusting (PPE).
UIT VOORRAAD
’n Studentverpleër by die Katutura-staatshospitaal met wie Namibian Sun, Republikein se susterkoerant, gepraat het, is aan ’n Covid-19-positiewe geval blootgestel.
Sy sê hulle behandel pasiënte met net ’n masker en handskoene. “Toe ek met daardie spesifieke persoon gewerk het, het ek glad nie handskoene gedra nie, omdat dit uit voorraad was. Hulle het my egter as laerisiko beskou met geen behoefte om myself te toets nie.”
Luidens ’n interne skrywe Dinsdag deur die visekanselier van die Universiteit van Namibië (Unam), prof. Kenneth Matengu, het ’n personeellid positief vir die virus getoets.
Hy het in dieselfde skrywe gesê 39 studente van die fakulteit van gesondheid is tans in kwarantyn vanweë hul blootstelling aan Covid-19.
Die egtheid van die skrywe is by navraag deur mnr. John Haufiku, die woordvoerder van Unam, bevestig.
Volgens hom sluit dié studente hoofsaaklik verplegingstudente in. “Daardie getalle verander daagliks, omdat hul blootstelling ontstaan weens risiko’s wanneer hulle die ministerie bystaan met iemand wat besmet is.”
BOG, Sê KALUMBI
Die minister van gesondheid en maatskaplike dienste, dr. Kalumbi Shangula, het die beweringe as onwaar afgemaak.
Volgens hom is die ministerie se PPE-voorrade in geen stadium uitgeput nie.
Dit is net mense wat aan hoë risiko’s blootgestel word wat van kop tot tone in beskermingsdrag geklee behoort te wees. “As studente nie handskoene gedra het nie, was dit omdat hulle nie wou nie, maar ons PPE-voorrade het nog nooit uitgeput geraak nie.”
Ofskoon hy toegegee het die land beskik nie oor genoeg gesondheidswerkers nie, sê Shangula die meer as 50 gesondheidswerkers wat tans in kwarantyn is, benadeel nie die land se vermoë om die pandemie te bestry nie.
- [email protected]
Dié werknemers, wat verpleërs insluit, staan aan die voorpunt van die stryd teen die pandemie.
Mnr. Junias Shilunga, die waarnemende hoofsekretaris van die Namibië Verpleërsvakbond (Nanu), het dié wending bevestig.
Volgens hom word verpleegpersoneel gedwing om een wegdoenbare masker vir meer as twee weke te dra vanweë ’n nypende tekort. “Dit is die situasie op die grond. Die verpleërs staan aan die voorpunt en hulle beland deurgaans in nabye kontak met positiewe gevalle – soms bewustelik en soms onbewustelik.”
Shilunga het ook kommer uitgespreek oor die beweerde roekeloosheid van sommige gesondheidsopleidingsentra wat studente uitstuur om te werk sonder enige beskermingstoerusting (PPE).
UIT VOORRAAD
’n Studentverpleër by die Katutura-staatshospitaal met wie Namibian Sun, Republikein se susterkoerant, gepraat het, is aan ’n Covid-19-positiewe geval blootgestel.
Sy sê hulle behandel pasiënte met net ’n masker en handskoene. “Toe ek met daardie spesifieke persoon gewerk het, het ek glad nie handskoene gedra nie, omdat dit uit voorraad was. Hulle het my egter as laerisiko beskou met geen behoefte om myself te toets nie.”
Luidens ’n interne skrywe Dinsdag deur die visekanselier van die Universiteit van Namibië (Unam), prof. Kenneth Matengu, het ’n personeellid positief vir die virus getoets.
Hy het in dieselfde skrywe gesê 39 studente van die fakulteit van gesondheid is tans in kwarantyn vanweë hul blootstelling aan Covid-19.
Die egtheid van die skrywe is by navraag deur mnr. John Haufiku, die woordvoerder van Unam, bevestig.
Volgens hom sluit dié studente hoofsaaklik verplegingstudente in. “Daardie getalle verander daagliks, omdat hul blootstelling ontstaan weens risiko’s wanneer hulle die ministerie bystaan met iemand wat besmet is.”
BOG, Sê KALUMBI
Die minister van gesondheid en maatskaplike dienste, dr. Kalumbi Shangula, het die beweringe as onwaar afgemaak.
Volgens hom is die ministerie se PPE-voorrade in geen stadium uitgeput nie.
Dit is net mense wat aan hoë risiko’s blootgestel word wat van kop tot tone in beskermingsdrag geklee behoort te wees. “As studente nie handskoene gedra het nie, was dit omdat hulle nie wou nie, maar ons PPE-voorrade het nog nooit uitgeput geraak nie.”
Ofskoon hy toegegee het die land beskik nie oor genoeg gesondheidswerkers nie, sê Shangula die meer as 50 gesondheidswerkers wat tans in kwarantyn is, benadeel nie die land se vermoë om die pandemie te bestry nie.
- [email protected]
Kommentaar
Republikein
Geen kommentaar is op hierdie artikel gelaat nie