Medisyne gaan in 2017 wéér baie duurder word

Inflasie op medikasie hoër as verbruikersprysinflasie

04 January 2017 | Ekonomie
Die prysstygings op medisyne word in Suid-Afrka deur die staat beheer en die departement van gesondheid in die land het aangekondig die prys waarteen medisyne deur farmaseutiese maatskappye aan apteke verkoop word (die enkeluitgangs­prys), mag vanjaar met 7,5% verhoog word.

Dit sal vir die derde jaar agtereenvolgens 'n styging van bo 7% wees, wat bo verbruikersprysinflasie is.

Medisynevervaardigers het die verhoging verwelkom.

Stavros Nicolaou, 'n senior bestuurslid van Aspen verantwoordelik vir handelstrategieë, sê nie net die omvang van die verhoging nie, maar die tydsberekening word verwelkom. Dit is vroeg vergeleke met vorige jare se aankondigings.

Nicolaou meen die prysverhoging vir 2017 is billik vir vervaardigers, mediese skemas en verbruikers.

Meer as 90% van medisyne se inhoud is ingevoer en die wisselkoers het 'n groot impak op vervaardigers se koste.

Die formule wat gebruik word om die stygings te bereken, neem die wisselkoers in ag en op grond daarvan moes die verhoging nader aan 10% gewees het, volgens hom.

Hy meen die buitengewone tweede verhoging van 2,9% wat vervaardigers verlede jaar gekry het, help.

Begin verlede jaar, nadat die rand skerp verswak het, is 'n verhoging van 4,8% aangekondig. Die tweede verhoging is later ná konsultasie met die farmaseutiese bedryf gegee, maar dit het eers in November in werking getree.

Verbruikersprysinflasie van die vorige jaar dra 'n gewig van 70% in die formule en die wisselkoers 30%.

Die rand het in 2015 met meer as 30% teenoor die dollar verswak, maar het in 2016 met 11% versterk.

Die gemiddelde verbruikersprysinflasie was verlede jaar bo 6%.

Nicolaou sê dit werk in praktyk so dat 'n vervaardiger of invoerder eers aansoek moet doen vir die prysverhoging op sy spesifieke produkte en dit goedgekeur moet word deur die departement. Die prysverhoging tree eers in werking sodra dit in 'n nasionale medisyne­prysregister aangekondig word.

Verlede jaar het die 4,8%-styging 'n onderverhaling vir die grootste deel van die jaar tot gevolg gehad.

As die prysverhoging laat in die jaar aangekondig word, begin vervaardigers teen 'n verlies die produkte verkoop of hulle breek net gelyk.

Hy sê dit kan daartoe lei dat die verskaffing van ­

die produkte gestaak word.

- Netwerk24

Soortgelyk

 

Theo Mujoro is nuwe hoof van verkiesings

4 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

5 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

5 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

6 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

6 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

18 ure gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

18 ure gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

18 ure gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

18 ure gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...