'Meatco hou by wenplan'

Bedryf sê skuif kom in kritieke tyd

14 October 2019 | Landbou
Elvira Hattingh - Meatco sal nié van sy omkeerstrategie of vyfjaarplan afwyk nie, sê mnr. Angus Claassen, Meatco se nuutaangestelde waarnemende uitvoerende hoof.

Hy het onlangs tydens 'n video-onderhoud aan Republikein gesê die landboubedryf het dit dalk negatief ervaar toe Meatco as deel van sy rotasie sy vorige waarnemende uitvoerende hoof, mnr. Jannie Breytenbach, vervang het.

Claassen beklee dié pos sedert die begin van Oktober.

“Daar sal wel voortgegaan word met die omkeerstrategie, want dit is op belangrike pilare gebou - soos om produsente te kry om hul bees aan ons te lewer, die markte wat ons wil betree, asook bedryfsdoeltreffendheid,” het Claassen gesê.

“Die bedryf moet besef mnr. Breytenbach is steeds deel van Meatco se bestuurspan. Ons bestuurslede werk nog altyd baie goed saam en Breytenbach self is steeds positief oor die toekoms,” het hy gesê.

Claassen sê Meatco hoop om voor die einde van die huidige boekjaar, wat in Januarie eindig, 'n permanente uitvoerende hoof aan te stel.

“Dit is groot skoene om vol te staan, want mnr. Breytenbach het uitstekende werk oor die ­afgelope jaar en 'n half gedoen. Hy het Meatco op die herstelpad geplaas en die nuwe vyfjaarplan begin,” het Claassen gesê.

Hy sê dit was 'n goeie jaar waarin almal hul staal moes wys, en hulle beoog om volgende jaar 100 000 bees te slag.

“Sommige mense voel dit is nie moontlik nie, maar ek dink dit is, solank ons produsente die regte prys betaal en gehalte­produkte aan markte lewer.”

“Die bestuur, insluitende Breytenbach, sit daagliks saam om planne vir volgende jaar te maak.”

Dit volg nadat landbouers onlangs teleurstelling ­uitgespreek het oor Meatco se skuif.

“Die LPO het met skok en teleurstelling kennis geneem van die rotasie van die uitvoerende bestuurder. Dit was 'n onverwagse skuif in 'n kritieke tyd vir landbou, veral terwyl die vorige uitvoerende hoof hom uitstekend van sy taak gekwyt het.

“Verdere gesprekke sal van die LPO se kant af met Meatco se bestuur en direksie opgeneem word.

“Dit is egter die verantwoordelikheid van Meatco-produsente om tydens die jaarvergadering hul saak verder te dryf,” het die LPO se uittredende voorsitter, mnr. Piet Gouws, gesê.

Beesprodusente het ook tot 23 Oktober tyd om mense te nomineer wat hulle op Meatco se direkteursraad moet verteenwoordig, waarna die ledevergadering op 1 November by die Wanderers-klub in Windhoek sal plaasvind.

- [email protected]

Soortgelyk

 

Valskerm-ongeluk eis Chinese vrou

6 ure gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Frankfurt-vlugte het hervat

7 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

7 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

8 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Meer as N$6 miljoen se dagga in lorrie gevind

23 ure gelede | Misdaad

'n Lorriebestuurder (24) en sy 34-jarige medebestuurder is Saterdag omstreeks 09:00 op die B3-hoofweg naby Grunau in hegtenis geneem. Volgens die Namibiese polisie se weeklikse...

Laat koppe rol - Jooste, SPYL

23 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

23 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

23 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

23 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...