Matriekpartytjie eindig in tragedie

10 insittendes in sedan

21 August 2018 | Ongelukke
Francoise Steynberg



Dit is maar die begin van matriekafskeidfunksies lands­wyd en drie Suide-seuns het Saterdag ná 'n partytjie op Keetmans­hoop gesterf.

In twee afsonderlike voorvalle is 'n 19-jarige Saterdagoggend ná 'n matriekafskeid se partytjie dood in sy bed gevind en twee seuns se lewe is in 'n ongeluk tussen Keetmanshoop en Berseba geëis.

Volgens die koördineerder van misdaadondersoeke in die ||Kharasstreek, adj.komm. Chrispin Mubebo, het tien tieners in 'n klein sedan glo van 'n deurnagpartytjie af ná die vorige aand se matriekafskeid van die Sekondêre Skool P.K. de Villiers op Keetmanshoop Saterdag na Berseba gereis.

Die 16-jarige Laurentius Fredericks, wat volgens die polisie die sedan bestuur het, en Geraldo Plaatjies (15), het op die toneel gesterf.

Mubebo sê die ongeluk het omstreeks 14:30 sowat 30 km buite Keetmanshoop plaasgevind toe Fredericks beheer oor die voertuig op die grondpad verloor en dit omgeslaan het.

“Die bestuurder het nie 'n rybewys nie,” het Mubebo bygevoeg

“Die agt ander insittendes het ligte tot ernstige beserings opgedoen. Hulle is in die Keetmanshoop-staatshospitaal opgeneem en diegene met ernstige beserings is na Windhoekse hospitale oorgeplaas,” het Mubebo gesê.

Die beseerdes is Godfried Bock en Jayden Esterhuizen (albei 15), Rezenzo Bock, Sylvanus Jossob, Frank­lin Esterhuizen en Lloyd Jacobs (almal 16) en Innacios Jacobs en Berend van Staden (albei 17).

“Die polisieondersoek duur voort. Al die beseerdes sal ondervra word, waarna klagte moontlik aanhangig gemaak kan word,” het Mubebo ­bevestig.

In die ander voorval is Ketu Inkono (19) glo in sy slaap oorlede.

Volgens Mubebo het Inkono ook die partytjie ná dieselfde matriekafskeid bygewoon en omstreeks 02:30 Saterdag by sy huis aangekom en gaan slaap.

“Hy het verlede jaar hoërskool voltooi en die partytjie saam met vriende bygewoon. Toe sy ma hom Saterdag omstreeks 08:00 wou wakker maak, het hy nie gereageer nie,” het Mubebo gesê.

Sy ma het hom hospitaal toe geneem waar hy dood verklaar is.

“'n Nadoodse ondersoek sal uitgevoer word om die oorsaak van Inkono se dood te bepaal, want volgens sy familie het hy nie enige siektes onder lede gehad nie.”

Die polisieondersoek duur voort.

Soortgelyk

 

Kraam buite kliniek - verpleegsters geskors

12 ure gelede | Ministeries

Henriette Lamprecht – Twee verpleegsters wat ‘n hoogswanger vrou by die Okuryangava-kliniek glo weggewys het, is in opdrag van die minister van gesondheid en maatskaplike...

Lewenslank vir Suide-verkragters

12 ure gelede | Howe

Elvira Hattingh en Ronelle Rademeyer - Twee mans wat vroue op Mariental en Tses verkrag en vermoor het, is gister in twee afsonderlike sake vonnisse...

Schlettwein sê oor TIPEEG, FOCAC

12 ure gelede | Regering

Denver Kisting – In die eerste plek is Namibië se ekonomie besig om aan te pas by ’n nuwe pad van groei nadat dit een...

Weer vir 19 September

12 ure gelede | Weer

BINNELAND: Gedeeltelik bewolk en warm in die Suide met enkele buie in die verre Suide. Elders sal baie tot bloedig warm in die Noorde wees.KUS:...

TransNamib op soek na nuwe direksie

12 ure gelede | Vervoer

Catherine Sasman Die ministerie van werke en vervoer het in 'n openbare kennisgewing aangekondig dat nuwe direksielede vir TransNamib gesoek word. Die huidige direksie se...

Esau: Visvangkwotas kan nie verkoop word

12 ure gelede | Ministeries

Leandrea Louw Die minister van visserye en mariene hulpbronne, mnr. Bernard Esau, het gewaarsku visvangkwotas kan nie verkoop word “om vinnig geld te maak nie”....

Help soek na vermistes

12 ure gelede | Misdaad

Tanja BauseDie Namibiese polisie vra die publiek se hulp in die opsporing van twee vermiste mense. Die 14-jarige Niita Fillemon word sedert 19:00 verlede Woensdag...

Grond: Wit boere wíl praat

12 ure gelede | Ministeries

Elvira HattinghDie president van die Namibië Landbou-unie (NLU), mnr. Ryno van der Merwe, sê dit is onwaar dat wit kommersiële boere nie in gesprek tree...

Vrou haal die byt uit veghond

12 ure gelede | Omgewing

Die naam Amerikaanse veghond (pit bull terrier) het al ‘n vloekwoord geword en boesem vrees by die meeste mense in. Geen ander honderas het in...