Massavrekte van robwelpies ondersoek

Pelikaanpunt besaai met welpies se oorskotte

19 October 2020 | Omgewing
Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese kus geaborteer het, terwyl talle robbe ook gevrek het.

Die massa robvrektes by Pelikaanpunt word as ’n ongewone gebeurtenis beskou, wat mariene wetenskaplikes in Namibië en Suid-Afrika bekommerd maak.

Volgens ’n mediaverklaring deur die Namibiese Dolfynprojek (NDP) en Ocean Conservation Namibia, het ongewoon maer wyfies vanjaar by die kus aangekom en honderde van hulle, indien nie duisende nie, het geaborteer. Die strande by Pelikaanpunt lê glo besaai met die oorskotte van geaborteerde pelsrobfetusse.

Ocean Conservation Namibia se mnr. Naudé Dreyer was glo die eerste om dit op te merk. “Aanvanklik het ek eers net ’n paar dooie, vroeggebore welpies laat in Augustus opgemerk en toe ook middel-September.

“Enkele vrektes is nie ongewoon nie, maar verlede week toe ek na Pelikaanpunt terugkeer, het ek honderde geaborteerde fetusse in een dag gesien. Dit is toe dat die gevaarligte vir my begin flikker het,” het hy verduidelik.

Tussen 6 en 8 Oktober het Dreyer honderde nuwe aborsies aangemeld – “te veel om te kan tel”. Hy skat dat meer as 350 jong robbe en volwasse robbe ook gevrek het. Die vrektes is meer as normaal en wek kommer.

Die ondersoekspan word gelei deur Dreyer, wat monsters van die robbe versamel. Hy werk saam met dr. Tess Gridley en dr. Simon Elwen van die NDP – beide van die departement plant- en dierkunde aan die Universiteit Stellenbosch – asook dr. Brett Gardner, ’n veeaarts van Suid-Afrika.

Biologiese monsters sal gebruik word om die oorsaak van die vrektes vas te stel, maar dr. Gardner meen daar kan verskeie oorsake wees. “Die lys van moontlike oorsake is lank en hoë aborteringsyfers word dikwels deur meer as een faktor veroorsaak. Daar is dus verskeie oorwegings . . .”

Dr. Gridley het bygevoeg dat beide Namibiese en Suid-Afrikaanse owerhede bedag moet bly en die robbe se bevolkings bly monitor waar hulle oraloor suider-Afrika voorkom.

“’n Sekere aantal sterftes vorm ’n normale deel van die robbe se lewensiklus en is te wagte. Wat kommerwekkend is, is as daar ’n hoë getal aborsies is wat terselfdertyd gebeur. Die impak van die vrektes onder Pelikaanpunt se kolonie en dalk elders, mag dalk vir jare vorentoe nog gevoel word.”

Tydens ’n massavrekte in 1994 het ’n geraamde 10 000 robbe gevrek en 15 000 fetusse is geaborteer. Die destydse verskynsel het te make gehad met hongersnood, waarskynlik weens ’n vistekort, asook ’n sekondêre bakteriese infeksie.

Kaapse pelsrobwyfies is die mees algemene mariene dier wat langs die Suid-Afrikaanse en Namibiese kuslyn te sien is, waar dit endemies voorkom. Tydens hul broeiseiseon – gewoonlik tussen middel November en vroeg Desember, gee duisende wyfies tegelykertyd geboorte, waarna die paarproses opnuut begin.

[email protected]

Soortgelyk

 

Woede kook oor by Ngoma

13 ure gelede | Misdaad

Augetto Graig – Regeringsafgevaardigdes het laat Saterdagmiddag hul hande vol gehad om gemoedere by die Ngoma-grenspos te kalmeer toe ’n skare woedende inwoners uit die...

Totsiens, Shannon

13 ure gelede | Mense

Leandrea Louw op Walvisbaai – Roubeklaers het Saterdag in groot getalle opgedaag om finaal van me. Shannon Wasserfall (21) op Walvisbaai afskeid te neem.Sy is...

Nuwe ruimte vir naslaan, leer en lees

13 ure gelede | Geskiedenis

'n Splinternuwe mediategnologie-biblioteek is nou oop vir die publiek by die hoofkantoor van Namibia Media Holdings in Windhoek.Die herontwerpte argief is Vrydag amptelik in gebruik...

Vermoedelike reeksverkragter slaan weer toe

13 ure gelede | Misdaad

Kuskantoor – Die polisie in die Erongostreek ondersoek 'n voorval waar ’n aanvaller by ’n vrou (28) se huis in Walvisbaai ingebreek het, haar met...

Antigeen-toetse vir reisigers na SA beskikbaar

13 ure gelede | Gesondheid

Antigeen-toetse om die coronavirus op te spoor, is volgens die Suid-Afrikaanse regering se inligtingsdiens (GCIS) by alle grensposte na die land beskikbaar.Dié toetse, wat van...

Regeringsbestuur: 'Prentjie lyk stroef'

13 ure gelede | Regering

Denver Kisting 'n Herhaling van die Fishrot-skandaal, die beweerde grootskaalse kaping van Namibiese viskwotas wat die afgelope jaar opspraak wek en twee oudministers agter tralies...

Seun (5) met kanker se gesin vra hulp

13 ure gelede | Mense

Ester KamatiDie Labuschagne-gesin op Otjiwarongo het onlangs die ontstellende nuus ontvang dat die vyfjarige Zu-Andre kanker het. Die diagnose het gevolg nadat bloed vroeg...

Sprinkaanplaag: SADC vra steun

13 ure gelede | Landbou

Elvira Hattingh - Die Suider-Afrikaanse Ontwikkelingsgemeenskap (SADC) het gister ’n beroep gedoen op steun in die stryd teen Afrika treksprinkane. Dit volg nadat altesaam tien...

Nuwe webtuiste vir burgerlike organisasies

13 ure gelede | Gemeenskap

Tanja Bause - ’n Nuwe webtuiste en inligtingsentrum vir burgerlike organisasies is onlangs van stapel gestuur. Die webtuiste, Civic +264, verteenwoordig alle burgerlike organisasies landswyd.Volgens...