Masels-uitbreking nou wêreldwyd

Styging van 700% in Afrika

18 April 2019 | Afrika
Masels het in die eerste drie maande vanjaar met 300% wêreldwyd toegeneem teenoor dieselfde tyd verlede jaar, sê die Wêreldgesondheidsorganisasie (WGO).Die WGO het ook sy kommer uitgespreek oor veldtogte wat veral op sosiale media gevoer word teen die inenting van babas.Masels, wat hoogs aansteeklik is, kan heeltemal voorkom word deur twee dosisse entstof, berig The Guardian.

Die toename van 300% volg op toenemende getalle oor die laaste twee jaar, sê die WGO in ’n verklaring.

Talle lande sit op die oomblik met redelike groot maselsuitbrekings. Die WGO glo dat net een uit tien gevalle van masels aangemeld word, dus is die situasie erger as wat dit lyk.

Die siekte veroorsaak dat baie mense doodgaan, veral jong kinders, berig Health24.

AANGEMELD IN 170 LANDE

Lande wat op die oomblik onder masels deurloop, is die Demokratiese Republiek die Kongo, Ethiopië, Georgië, Kazachstan, Kirgistan, Madagaskar, Mianmar, die Filippyne, Soedan, Thailand en die Oekraïne.

Altesame 170 lande het 112 163 gevalle aangemeld. Die siekte het die meeste in Afrika gestyg, naamlik met 700% en daarna Europa met 300%. Die toename in die Oostelike Mediterreense gebied is met 100%, die Amerikas met 60% en in Suidoos-Asië met 40%.

Die uitbreking is die ergste in Madagaskar waar 69 000 gevalle aangemeld is. Meer as 1 200 is al dood, maar die WGO sê ’n inentingsveldtog daar begin nou vrugte afwerp, berig Global News.

Masels het in 2017 byna 110 000 mense se dood veroorsaak. Dit is die laaste syfers wat die WGO beskikbaar het. – Netwerk24

Soortgelyk

 

Lodge, besigheid beroof – sewe vas

7 ure gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

7 ure gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

7 ure gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

7 ure gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

7 ure gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

7 ure gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

7 ure gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

7 ure gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...

Boere kan doen met ‘n miljoen

7 ure gelede | Omgewing

Engen het gister N$1 miljoen aan die Dare to Care-droogtehulpfonds oorhandig.Dit ná sy eerste skenking van N$850 000 op Vrydag 12 Julie. Die oliemaatskappy het...