Maritieme sekuriteit onder die loep

Vasteland moet saamwerk

15 May 2019 | Ministeries
Augetto Graig - Maritieme sekuriteitsbeamptes en -kenners van 25 Afrikalande besoek die hoofstad vandeesweek.

Dít vir die tweede werkwinkel oor maritieme veiligheid vir die hele Afrika, wat deur Amerika se Afrika-sentrum vir strategiese studies aangebied word.

Die werkwinkel word deur die sentrum, Amerika se departement van verdediging en die Amerikaanse ambassade in Windhoek aangebied.

By die amptelike opening van die werkwinkel Maandagoggend by die Windhoek Buitekluboord en Kasino het mnr. Peter Lord, die Amerikaanse ambassade se adjunkhoof, gesê Amerika werk al lank met Afrikalande saam om beheer oor hul seegebied te versterk.

Lord het Namibië in sy toespraak geloof.

Volgens hom is die land werklik uniek en verdien hy erkenning vir sy pogings om die Atlantiese Oseaan te beveilig, wat 1 500 km ver langs Namibië se kus strek.

“In Augustus sal die uitbreiding van die Walvisbaai-hawe voltooi wees, wat dit die grootste een tussen Kaapstad en Lagos sal maak,” het hy gesê.

Namibië kan as gevolg hiervan ’n toename in die handel in vraghouers en passasierskiptoerisme te wagte wees, het hy gesê.

“Die Walvisbaai-hawe versterk vervoer en mens-tot-mens verbindings oor die Atlantiese Oseaan en bevorder Namibië se toerismemark,” het hy gesê.

Lord het ook na Namibië se toewyding aan die beskerming van visserye en die omgewing verwys.

“Namibië is al lank bewus van die belang daarvan om behoorlik na die land se natuurlike en lewende hulpbronne om te sien, en ek hoop sy teenstand teen die onwettige handel in wild en die bekamping van onwettige, onverklaarde en ongereguleerde visvang sal ander aanmoedig,” het hy gesê.

Lord het verwys na die “blou ekonomie”, wat die volhoubare, verantwoordelike en inklusiewe gebruik van die oseaan se hulpbronne vir ekonomiese groei behels.

Volgens hom sluit dit ook groter integrasie en koördinering van marine kwessies in.

“Maritieme sekuriteit is ’n sentrale deel van die suksesvolle en volhoubare bestuur van die oseaan se hulpbronne. Smokkelary, seerowery en omgewingsmisdaad is ernstige bedreigings vir nasionale ekonomieë, die staat en geregtigheid,” het hy gesê.

“Oorgrensmisdaad maak almal seer en vereis reaksie van almal. Die Verenigde State sal hierin ’n sterk vennoot van Afrika bly,” het Lord gesê.

Mnr. Jonas Sheelongo, adjunk- uitvoerende direkteur van vervoer en werke, het by dieselfde geleentheid gesê marine sekuriteitsrisiko’s sal vir Namibië verander omdat die land vorder in sy poging om Suider-Afrika se logistieke kern te word.

Hoewel Walvisbaai en Lüderitz se ISPS(internasionale skeeps- en hawefasiliteitsekuriteit)-kode voldoende is, moet stappe gedoen word om risiko te verminder, het hy gesê.

“Ons moet as vasteland saamwerk om te verseker maritieme veiligheid en sekuriteit bly doeltreffend. Veral die bekamping van seerowery en gewapende rooftogte op see moet as groot bedreigings vir Afrika se ontwikkeling gesien word,” het hy gesê.

“Om internasionale maritieme handel in Afrika te bevorder, moet seerowery op die vasteland iets van die verlede word.”

Ander uitdagings sluit volgens Sheelongo dwelmsmokkelary, mensehandel, onwettige visvang en kubermisdaad in.

“Soos ons maritieme bedrywighede meer op tegnologie steun, neem die geleenthede vir kuberaanvalle toe. Dit bedreig maritieme infrastruktuur deur met internasionale handel en plaaslike ekonomieë in te meng,” het hy gesê.

Volgens hom moet Afrikalande saamwerk en pogings koördineer om dringend voorkeur aan maritieme veiligheid en sekuriteit te verleen.

Soortgelyk

 

Windhoek klop waterteikens

32 minute gelede | Plaaslik

font face="Verdana" >Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me....

Kalahariwoestyn keer terug

32 minute gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

32 minute gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

32 minute gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

32 minute gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

32 minute gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

32 minute gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

32 minute gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

'Elke druppel tel'

32 minute gelede | Gesondheid

Henriette LamprechtAs alle babas onmiddellik ná geboorte direkte ­velkontak ontvang, vir ses maande uit­sluitlik geborsvoed word en tot op twee jaar bykomende voeding ontvang, sal...