Mans vas oor onwettige velle

Toeris glo beroof

08 January 2020 | Misdaad
Twee Namibiese mans (53 en 30) is Vrydag glo sonder permitte met verskeie dierevelle by Nkurenkuru in hegtenis geneem.

Die twee was glo in besit van ’n luiperdvel ter waarde van N$150 000, twee krokodilvelle van N$90 000 en ’n eekhoringvel.

Volgens die Namibiese polisie se weeklikse misdaadverslag duur die ondersoek voort.

Vier mense is Vrydag omstreeks 10:00 op Kuisebmond in Walvisbaai glo met dagga en Mandrax vasgetrek.

Twee mans en twee vroue is in hegtenis geneem – elk glo met 405 g dagga en 10 Mandrax-tablette ter waarde van N$5 250 in hul besit.

Sondag omstreeks 17:15 is ’n man in die Vergenoeg-nedersetting op Gibeon glo met N$9 800 se vervalste geld in hegtenis geneem.

’n Switserse toeris is Vrydag tussen 15:13 en 18:00 glo by die Brukaros-kampeergebied beroof.

Volgens die polisie het die toeris sy voertuig by die kampeerplek gelos en gaan stap.

“Lede van die Berseba-gemeenskap het gesien die vensters van die toeris se voertuig is gebreek en het die voorval by die Tses-polisie aangemeld. R30 000 in kontant, een kamera met toerusting, asook reisdokumente is na bewering gesteel.”

Niemand is al in hegtenis geneem nie en die gesteelde goedere is nie teruggevind nie.

Die naweek is ’n bejaarde Duitse burger glo buite Omaruru beroof.

“Drie onbekende mans het glo ’n hekkie se slot gebreek en die 84-jarige Duitse man se erf binnegegaan, waar hy alleen bly. Hulle het sy slaapkamer na bewering deur ’n oop venster binnegegaan terwyl hy geslaap het,” sê die polisie.

Die bejaarde se beursie met N$4 000 se kontant en sy persoonlike dokumente is glo gesteel.

Die beursie en dokumente is later in die straat opgetel, maar die geld het glo voete gekry.

“Die slagoffer is in die Omaruru-staatshospitaal vir waarneming opgeneem ná hy van pyn in sy bene en ribbes gekla het. Geen sigbare beserings is opgemerk nie.”

Niemand is al in hegtenis geneem nie en die ondersoek duur voort.

Soortgelyk

 

50 nuwe Covid-19-gevalle, 32 in Windhoek

14 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, sê 50 nuwe gevalle van Covid-19 is in die land aangekondig....

Bykans N$1 miljoen se dwelms in Julie gekonfiskeer

1 dag gelede | Misdaad

Die Namibiese polisie het tussen 1 en 31 Julie dwelms ter waarde van altesaam N$958 390 gekonfiskeer en 97 verdagtes in hegtenis geneem. Daar is...

Mariental se skaapabattoir sluit deure

1 dag gelede | Landbou

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se...

Vandag se Covid-19-data

1 dag gelede | Gesondheid

'n Visuele opsomming van die inligting vir gister, soos vanmiddag aangekondig deur die minister van gesondheid en maatskaplike dienste, dr. Kalumbi Shangula.

Diewe vort met N$1 miljoen uit Swakopmund-huis

1 dag gelede | Misdaad

Die Namibiese polisie sê verdagtes het gisteroggend ‘n kluis met N$1 miljoen daarbinne uit ‘n sakevrou se huis in Swakopmund gesteel. Volgens die polisie het...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Covid-sterftes styg tot 15

2 dae gelede | Gesondheid

Henriette LamprechtDrie Covid-19-verwante sterftes is gister in die Erongostreek aangemeld en wel twee op Walvisbaai en een in Swakopmund. Die bring die nasionale totaal op...

Libanees in Namibië rou oor geliefde Beiroet

2 dae gelede | Ongelukke

Ronelle Rademeyer – Was dit nie vir ’n reis na Khartoum sowat 60 km suid van Beiroet vir die viering van die Moslem-fees Eid-oel-Adha nie,...