Manne roer knoppe vir Namibië se eer

e-Sport

17 September 2020 | Sport
Tielman van Lill – Die Namibiese Elektroniese Sportvereniging (Nesa) het die afgelope naweek sy nasionale kampioenskap in die vegspeletjie Dota2 (Defender of the Ancients) aanlyn aangebied.

Saterdag het die room van Namibiese e-sportentoesiaste regoor die land op uitnodiging agter hul rekenaars ingeskuif om die kampioen te bepaal en die uitgesoekte lede vir die nasionale span te keur.

Die Dota2-span is aangewys wat Namibië op die internasionale verhoog sal verteenwoordig en onder meer Suid-Afrika tydens 'n streekkampioenskap van die Internasionale e-Sportfederasie (Iesfed) sal takel.

Die wenner tussen Namibië en Suid-Afrika sal in Desember die geleentheid in Eilat, Israel, kry om hul slag by die e-sport wêreldkampioenskap teen die toplande te wys.

Die toptien vasbeslote spelers wat Saterdag aan die Dota2-kampioen­skap deelgeneem het, het vanaf 21 tot 23 Julie kans gehad om hul kleim vir die finaal af te steek. Die spelers was uiteraard gemotiveerd om hul plekke in die nasionale span te verdien.

Mnr. Flip de Bruyn, Nesa se president, het die kampioenskap regstreeks aanlyn op hul YouTube-kanaal gebeeldsend en ondersteuners kon hul helde sien val of triomfeer.

Vyf wedstryde is gespeel waartydens die individue spelers tussen die twee spanne uitgeruil is om elkeen behoorlik te kon beoordeel. Die keurders het 'n moeilike taak op hande gehad, want elke speler het sy beste voet voorgesit. Teen die einde het die spelers senuwees van staal getoon om die keurpaneel te beïndruk.

Die aangewese Namibiese spanlede is Franlo Meyer (FreyTiX), Mauro Teles (PoRRa07) as onderkaptein, Jurgen Teichert (Phycodamage) wat as die speler van die kampioenskap bekroon is, Paul Bingel (APoC) en Stiaan van der Merwe (Iceman) as Namibië se spankaptein. Meyer en Teles het Namibië laasjaar as die nasionale Dota2-span verteenwoordig.

“Nesa bedank Logitech G, Future CC en Vander Designs wat die kampioenskap geborg het. Ons sien uit na die nasionale span se deelname aan internasionale botsings en vra belangstellende borge om ons vir 'n bemarkingsgeleentheid by [email protected] te kontak sodat e-sport in Namibië ontwikkel kan word,” sê die beheerliggaam.



VOLGENDE UITDUN

Komende naweek bied Nesa die tweede kwalifiserende ronde van sy nasionale kampioenskap in e-Foot­ball PES 2020 en die vegspeletjie Tekken 7 aan.

Spelers is welkom om Saterdagoggend by die APS Guesthouse in Robert Mugabe-rylaan 11 aan te meld. Die aksie skop stiptelik om tienuur af.

Inskrywingsgeld per wedstryd beloop N$50 vir Nesa-lede wie se lidmaatskap van N$250 opbetaal is. Nie-lede sal N$100 per inskrywing opdok. Enige persoon wat in Namibië woonagtig is, mag inskryf, maar net Namibiese Nesa-lede kom vir die nasionale span in aanmerking.

Spelers kan vanaf vandag tot net voor die afskop van die kompetisie registreer. Inskrywingsvorms is aanlyn beskikbaar en kan by [email protected] aangevra word.

Hoewel geen ouderdomsperk geld nie, moet spelers jonger as 18 jaar se ouers of wettige voog 'n toestemmingsbrief onderteken. 'n Gesertifiseerde afskif van deelnemers se identiteitsdokumente of paspoort moet elke inskrywing vergesel.

Die topdrie posisies vir elke titel sal kontantpryse ontvang.

Vir meer inligting kan Flip by 081 145 5100 gekontak word. Besoek ook @Nesa.Namibia op Facebook of www.esportsnamibia.org vir meer inligting.

- [email protected]

Soortgelyk

 

Min kans vir vlieg na SA

11 ure gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

11 ure gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

11 ure gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

11 ure gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

11 ure gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

11 ure gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

11 ure gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

11 ure gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

11 ure gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...