M&R beklink R4 mjd. se kontrakte
Die konstruksiereus sê die projekte sal deur die afdeling verantwoordelik vir olie en gas in die metaal- en mineralesektor in Australasië behartig word.
Elvira Wood - Die toekoms lyk skielik baie rooskleurig vir die konstruksiemaatskappy Murray & Roberts (M&R).
Die maatskappy het kontrakte ter waarde van R4 miljard gesluit vir projekte wat oor die volgende twee jaar voltooi moet word.
Die maatskappy het dié aankondiging vroeg gisteroggend op die JSE se nuusdiens Sens gemaak.
M&R sê die projekte sal deur die afdeling verantwoordelik vir olie en gas in die metaal- en mineralesektor in Australasië behartig word.
Dié afdeling gaan ook saam met sy afdeling verantwoordelik vir ondergrondse mynwese ’n kopermyn in Mongolië ontwikkel.
M&R sê omdat daar die afgelope vier jaar beperkte groei in die olie- en gassektor was, het hy sy aandag spesifiek op Australasië gefokus om nuwe geleenthede in dié mark te ontwikkel.
M&R was die afgelope tyd gereeld in die nuus weens die oornamestryd tussen hom en die Duitse beleggingsfirma Aton.
Aton is besig met ’n aggressiewe oornamepoging waar hy R17 per aandeel vir al M&R se aandele bied. M&R meen weer hy is ten minste tussen R20 en R22 per aandeel werd.
M&R begin Donderdag teen R17,79 per aandeel op die JSE verhandel. – Netwerk24
Die maatskappy het kontrakte ter waarde van R4 miljard gesluit vir projekte wat oor die volgende twee jaar voltooi moet word.
Die maatskappy het dié aankondiging vroeg gisteroggend op die JSE se nuusdiens Sens gemaak.
M&R sê die projekte sal deur die afdeling verantwoordelik vir olie en gas in die metaal- en mineralesektor in Australasië behartig word.
Dié afdeling gaan ook saam met sy afdeling verantwoordelik vir ondergrondse mynwese ’n kopermyn in Mongolië ontwikkel.
M&R sê omdat daar die afgelope vier jaar beperkte groei in die olie- en gassektor was, het hy sy aandag spesifiek op Australasië gefokus om nuwe geleenthede in dié mark te ontwikkel.
M&R was die afgelope tyd gereeld in die nuus weens die oornamestryd tussen hom en die Duitse beleggingsfirma Aton.
Aton is besig met ’n aggressiewe oornamepoging waar hy R17 per aandeel vir al M&R se aandele bied. M&R meen weer hy is ten minste tussen R20 en R22 per aandeel werd.
M&R begin Donderdag teen R17,79 per aandeel op die JSE verhandel. – Netwerk24
Kommentaar
Republikein
Geen kommentaar is op hierdie artikel gelaat nie