Man vermoor meisie, hang homself

14 January 2021 | Misdaad
’n Man wat daarvan verdink word dat hy sy meisie, me. Hertah Ndahula (33), in Sea Point, Kuisebmond, doodgesteek het, het homself Saterdag op dieselfde perseel gehang.

Adjunkkommissaris Erastus Iikuyu het die voorval bevestig en gesê die man, wat as mnr. Fillemon Nghatanga (35) geïdentifiseer is, het ’n selfmoordbrief agtergelaat.

“Vanoggend omstreeks 06:55 het die oorlede man na bewering een van sy vriende via ’n selfoon gekontak en hom versoek om na hul huis te kom. Toe die vriend omstreeks 08:00 opgedaag het, het hy op die twee lyke afgekom en die polisie in kennis gestel. Die oorledenes se naasbestaandes is ingelig.”

Volgens Iikuyu het Nghatanga ’n selfmoordbrief agtergelaat waarin hy gesê het hy is ongelukkig met sy meisie se besluit om hul verhouding te beëindig.

Die paartjie is Vrydag omstreeks 23:00 laas lewend gesien.

NOG ’N SELFDOOD

Mnr. Isai Panduleni Sheefeni (34) het homself vermoedelik Donderdag gehang met ’n tou wat aan sy hut se dak vasgemaak was.

Sheefeni het by ’n kroeg in Kuisebmond gewerk en is Woensdag omstreeks 20:00 laas lewendig by sy werkplek gesien.“Sy liggaam is ontdek deur ’n ander huurder wat op pad na die badkamer was. Die huurder het gesien die deur van die oorledene se hut, tussen ’n kroeg en die hoofhuis, was oop en hy het die oorledene binne ontdek,” het Iikuyu gesê.

Iikuyu het gesê Sheefeni het nie ’n selfmoordbrief agtergelaat nie, maar dat geen vuilspel vermoed word nie. Die naasbestaandes is in kennis gestel.

DWELMKLOPJAG

’n Man (41) is in die informele nedersetting DRC in Mondesa in hegtenis geneem nadat dwelms met ’n geskatte straatwaarde van N$3 480 tydens ’n polisieklopjag in sy besit gevind is.

Onder die dwelms was 60 gram dagga en vier mandrax-tablette.

Die verdagte sou Maandag sy eerste verskyning in die Swakopmund-landdroshof maak.

Soortgelyk

 

Nege sterftes, 307 nuwe gevalle

10 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

12 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

17 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...