Man sterf glo aan kongokoors

11 February 2020 | Gesondheid
Henriette Lamprecht – ’n Man van die kus is die naweek in Windhoek dood aan wat vermoedelik kongokoors kan wees.

Volgens ’n infeksiebeheerbeampte verbonde aan die ministerie van gesondheid en maatskaplike dienste (MoHSS) is die 33-jarige man Saterdag van die Welwitschia Private Hospitaal na die Windhoek Sentrale Hospitaal oorgeplaas.

Volgens mnr. Augstine Kastherody het die man Sondagmiddag in die hospitaal se isolasie-eenheid gesterf.

Die man het glo ’n plaas in die Khomas Hochland besoek. Volgens Kastherody het hy aan personeel gesê iets het hom gebyt, maar hy kon nie sê wat dit was nie.

Kastherody sê bloedmonsters wat van die man geneem is, is na Suid-Afrika vir ontleding gestuur om te bepaal of dit wél kongokoors was.

Die uitslae van die toetse word teen Woensdag verwag.

Kongokoors is ’n virus wat spontane bloeding veroorsaak en deur bosluise versprei word, maar dit kan ook deur vee se besmette bloed en weefsel versprei word.

Bosluise dra die virus vir lang periodes.

Dit word ook deur hul eiers aan die volgende geslag oorgedra.

’n Besmette persoon kan die virus aan ander mense oordra wanneer hul bloed met ander mense in aanraking kom.

Streng voorsorgmaatreëls geld wanneer iemand aan dié hoogs aansteeklike virale siekte sterf.

Dit sluit in dat almal wat met die persoon in kontak was, streng vir enige simptome gemonitor word.

Spesiale riglyne moet ook vir ’n veilige begrafnis gevolg word, wat streng beheermaatreëls insluit om die risiko van besmetting tot die minimum te beperk.

Alles wat tydens die pasiënt se behandeling gebruik is, insluitend beddegoed en klere, word ook begrawe.

[email protected]

Soortgelyk

 

Damme voller

4 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

4 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

4 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

4 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

4 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

Corona: Afrika 66% gereed

4 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...

Grondonmin smeul op Tsumeb

4 ure gelede | Plaaslik

Denver Kisting – Die man wat hom midde-in ’n gronddebakel op Tsumeb in die Oshikotostreek bevind, mnr. Christo Groenewald, sê hy is moedeloos.As die regering...

Delta School Windhoek turns 50

4 ure gelede |

Former principal, Peter Schlenther during the 50th birthday celebration of the Delta School Windhoek. My Zone would like to wish them a happy birthday and...

A leap year,

4 ure gelede | Kortnuus

also known as an intercalary year or bissextile year, is a calendar year that contains an additional day, or, in the case of a lunisolar...