Man jaag glo in see in om botsing te vermy
'n Taxibestuurder van Ongwediwa het in die nagtelike ure van Vrydagoggend met sy voertuig by Vierkantklip in die see in gejaag om te verhoed dat hy trompop teen 'n aankomende vragmotor in sy baan bots.
Volgens adj.komm. Erastus Iikuyu was mnr. J.E. Jekonia aan die kus om vriende te besoek en hy was ten tyde van die voorval van Walvisbaai af op pad Swakopmund toe.
Jekonia was aanvanklik Vrydag skoonveld toe die polisie en nooddienste op die toneel kom.
Volgens Iikuyu is hy later by 'n huis in Mondesa opgespoor.
Hy het aan die polisie vertel hy was alleen in sy voertuig en het uitgeswenk om 'n botsing met 'n vragmotor te vermy.
Jekonia het glo 'n besering aan sy skouer opgedoen.
Volgens adj.komm. Erastus Iikuyu was mnr. J.E. Jekonia aan die kus om vriende te besoek en hy was ten tyde van die voorval van Walvisbaai af op pad Swakopmund toe.
Jekonia was aanvanklik Vrydag skoonveld toe die polisie en nooddienste op die toneel kom.
Volgens Iikuyu is hy later by 'n huis in Mondesa opgespoor.
Hy het aan die polisie vertel hy was alleen in sy voertuig en het uitgeswenk om 'n botsing met 'n vragmotor te vermy.
Jekonia het glo 'n besering aan sy skouer opgedoen.
Kommentaar
Republikein
Geen kommentaar is op hierdie artikel gelaat nie