Man dood ná sokker

Vuisgevegte eis lewens

07 August 2019 | Misdaad
'n Jong sokkerspeler, mnr. Johannes Rooinasie (23), het Saterdagmiddag ná 'n sokkerwedstryd op Groot Aub gesterf.

Volgens die Namibiese polisie se misdaadverslag het Rooinasie en 'n sokkerspeler van die ander span tydens die winterbekertoernooi vir die bal in die lug gespring en teen mekaar gebots.

“Rooinasie het bewusteloos op die grond neergeval. Hy is na die kliniek op die dorp geneem en is by sy aankoms dood verklaar.”

Tangeni-Omwene Haufiku (9) van Eenghango in die Ohangwenastreek is Donderdagnag by sy ouerhuis dood ná hy 'n week tevore op pad terug van die skool af glo in 'n ­vuisgeveg met 'n ander negejarige betrokke was.

Haufiku is volgens die polisie verlede Maandag na die Ongha-kliniek geneem.

“Hy en die ander seun het die voorafgaande Vrydag op pad terug van die skool af vuis geslaan, en die ander seun het hom na bewering hard op die neus geslaan.

“Dit het tot erge neusbloeding aanleiding gegee,” sê die misdaadverslag. Die ondersoek duur voort.

Nóg 'n vuisgeveg het Saterdag vermoedelik tot 'n man se dood gelei.

By die Embassy-kroeg op Oniipa het twee neefs glo mnr. Jason Andreas (30) van die Onalulago-nedersetting naby Onayena tydens 'n argument met hul vuiste getakel en oraloor sy lyf geskop.

Andreas het op die toneel gesterf en die verdagtes is in hegtenis geneem.



MOORDWAPEN WEGGESTEEK

Vier mense (van 23, 27, 29 en 30) is in Wanaheda in die hoofstad in verband met die moord op mnr. Lorenzo Beukes (31) van Rehoboth in hegtenis geneem.

Hulle word ook van ­dwarsboming van die gereg aangekla nadat hulle na wat verneem word geweier het om 'n panga, glo die moordwapen, aan die polisie te oorhandig. Volgens die polisie is dit later gevind.

Ook in die hoofstad het verbygangers die liggaam van die 18-jarige mnr. Forget Soul Garoeb Sondag omstreeks 06:30 in Omutulastraat in Hakahana met 'n steekwond in sy bors gevind. Die verdagtes is on­bekend en die ondersoek duur voort.

'n Onbekende, bebloede man met veelvuldige steekwonde aan sy skouers en rug is Saterdag ­omstreeks 01:00 naby Herero Mall in Katutura gevind waar hy sukkel om te loop.

“Hy is per ambulans na die Katutura-staatshospitaal geneem, maar het kort ná sy aankoms beswyk. Die oorledene is nog nie geïdentifiseer nie, maar volgens die ambulanspersoneel het hy in Otjiherero met hulle gepraat,” lui die verslag.

Die liggaam van 'n hawelose man, mnr. Reimond Isacks (34), is Saterdag omstreeks 17:00 met veelvuldige steekwonde in Helenstraat in Greenwell Matongo gevind.

“Hy het na bewering ná 'n ­bakleiery met 'n verdagte aan sy beserings beswyk. Die verdagte is aan die polisie bekend, maar het op die vlug geslaan. Die ondersoek duur voort,” sê die polisie.

Op Oshikango is die liggaam van mnr. Salomon Shihepo Sondag deur 'n lid van die publiek ontdek waar dit in 'n waterpoel gedryf het.

Volgens die oorledene se familie was hy sedert 30 Julie vermis.

'n Nadoodse ondersoek sal nog gedoen word.

Vrydag om 07:25 is die lewelose liggaam van mnr. Oscar Iita (65) in 'n waterkanaal in die Omakuku-­nedersetting naby Ogongo in die Omusatistreek gevind.

Volgens die polisie is hy die Donderdagaand laas in die Okalonda-nedersetting naby Outapi gesien.

Beeswagters het Saterdag in die Samahiho-nedersetting naby Rundu op die ontbinde lyk van 'n man afgekom.

Die lyk is na die polisielykshuis op Rundu geneem en moet geïdentifiseer word.

Die polisie doen 'n beroep op die familie van vermiste mense om die lykshuis vir uitkendoeleindes te besoek.

Soortgelyk

 

Operasie Kalahariwoestyn hervat

7 ure gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

23 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

23 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

23 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

23 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

23 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

23 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

23 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

23 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...