Maltas takel ekstremisme deur sosiale media
'n Projek is nou ook in Namibië begin om ekstremistiese geweld deur middel van sosiale media te beveg.
Die Universiteit van Namibië (Unam) se Maltas-klub se jongste projek is “Uniting Namibia Against Global Extremism”. Dit is deel van 'n Amerikaanse projek wat wêreldwyd onderneem word om gewelddadige ekstremisme te bestry. Deelnemers vanoor die wêreld is uitgedaag om sosiale media te gebruik om die probleem die hoof te bied. Só is die Maltas-veldtog, #RAVE #pzpchallenge, gebore wat nog tot Junie duur.
Tans word die boodskap deur Maltas-lede oorgedra om mense in te lig oor wat gewelddadige ekstremisme is en hoe dit verhoed kan word.
Die Maltas fokus op wat daartoe aanleiding gee dat jongmense by ekstremisme betrokke raak en hoe hulle gewerf word. Daar word ook gekyk na die tekens waarop ouers bedag moet wees om te bepaal of hul kind 'n potensiële teiken van ekstremiste is, veral deur middel van sosiale media.
Volgens die Maltas is die beste manier om betrokke te raak deur opvoeding en inligting oor wêreldwye, gewelddadige ekstremisme te deel. Plaaslik kan dit gedoen word deur die hutsmerk #RAVE #pzpchallenge soveel moontlik op Facebook, Twitter of Instagram te gebruik.
Die Maltas moedig ondersteuners aan om hul eie inisiatiewe te skep om aandag op gewelddadige ekstremisme te fokus.
Die verstaan van gedrag is die eerste stap in die regte rigting om die wêreld 'n veiliger plek te maak, sê hulle.
Besoek https://m.facebook.com/riseaboveviolentextremism vir meer inligting.
Die Universiteit van Namibië (Unam) se Maltas-klub se jongste projek is “Uniting Namibia Against Global Extremism”. Dit is deel van 'n Amerikaanse projek wat wêreldwyd onderneem word om gewelddadige ekstremisme te bestry. Deelnemers vanoor die wêreld is uitgedaag om sosiale media te gebruik om die probleem die hoof te bied. Só is die Maltas-veldtog, #RAVE #pzpchallenge, gebore wat nog tot Junie duur.
Tans word die boodskap deur Maltas-lede oorgedra om mense in te lig oor wat gewelddadige ekstremisme is en hoe dit verhoed kan word.
Die Maltas fokus op wat daartoe aanleiding gee dat jongmense by ekstremisme betrokke raak en hoe hulle gewerf word. Daar word ook gekyk na die tekens waarop ouers bedag moet wees om te bepaal of hul kind 'n potensiële teiken van ekstremiste is, veral deur middel van sosiale media.
Volgens die Maltas is die beste manier om betrokke te raak deur opvoeding en inligting oor wêreldwye, gewelddadige ekstremisme te deel. Plaaslik kan dit gedoen word deur die hutsmerk #RAVE #pzpchallenge soveel moontlik op Facebook, Twitter of Instagram te gebruik.
Die Maltas moedig ondersteuners aan om hul eie inisiatiewe te skep om aandag op gewelddadige ekstremisme te fokus.
Die verstaan van gedrag is die eerste stap in die regte rigting om die wêreld 'n veiliger plek te maak, sê hulle.
Besoek https://m.facebook.com/riseaboveviolentextremism vir meer inligting.
Kommentaar
Republikein
Geen kommentaar is op hierdie artikel gelaat nie