Malaria steek streek steeds

Kundiges byeen

17 August 2018 | Ministeries
Denver Kisting – Dit is nog lank nie die einde van die malariabyt vir die Suider-Afrikaanse Ontwikkelingsgemeenskap (SADC) nie.

Maar, sê dr. Richard Kamwi, die streek bly hoopvol om teen 2030 dié dodelike siekte in die kiem gesmoor te kry.

Kamwi, Namibië se voormalige minister van gesondheid en maatskaplike dienste, lei tans SADC se Elimination 8-inisiatief.

Dié veldtog bestaan uit agt van die 16 SADC-lidlande wat die voortou neem.

Kamwi het Woensdagaand by een van die SADC-wegbreeksessies in Windhoek gepraat.

Hy sê die bekamping – en uiteindelike uitwissing – van malaria word deur ’n tekort aan finansiering in die wiele gery.

Hiernaas word die proses ook belemmer deur vrese dat muskiete weerstand ontwikkel teen die insekdoders wat gebruik word.

’n Ander struikelblok, sê hy, is ’n gebrek aan voldoende gesondheidstelsels en kundigheid.

Kamwi sê malariabestryding word ook negatief geraak deur ’n tekort aan moniteringstelsels wat vordering moet dophou en boekstaaf.

Me. Netumbo Nandi-Ndaitwah het tydens dié geleentheid gesê omdat die uitwissing van malaria een van die SADC se sleuteldoelwitte is, het hulle besluit om die geleentheid aan te gryp om ’n gesprek te hou daaroor, terwyl kundiges vir die beraad in Windhoek byeen is.

Nandi-Ndaitwah, Namibië se adjunk- eerste minister en die minister van internasionale betrekkinge en samewerking, het die afgelope week oorgeneem as die SADC se raad van ministers se voorsitter.

Dít in aanloop tot die verrigtinge vandag waartydens pres. Hage Geingob as die streekliggaam se voorsitter oorneem.

Volgens Nandi-Ndaitwah het hulle besef die stryd teen malaria sal die samewerking van lidlande benodig.

Soos sake tans staan, eis malaria steeds meer lewens as enige ander siekte in Afrika Suid van die Sahara “en dit terwyl ons weet malaria is voorkombaar en geneeslik”.

Sy sê daar moet veral omgesien word na die samelewing se kwesbaarstes, soos kinders onder vyf jaar en swanger vroue, om te verhoed dat hulle sterf aan ’n siekte wat uitgewis kan word. “As ons saamwerk, kan ons beslis meer bereik,” het sy gesê.

Soortgelyk

 

Hepatitis E woed landswyd voort

11 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

11 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

11 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

11 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

11 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

11 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

11 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

11 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

11 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...