Maatskappy reik uit na oogkliniek

09 August 2018 | Gesondheid
Tanja Bause



Ombaye Fishing is die eerste maatskappy wat op die minister van gesondheid en maat­skaplike dienste, dr. Bernard Haufiku, se oproep om hulp aan die Windhoek ­Sentrale Hospitaal se oogkliniek ­gereageer het.

Dié oproep het gevolg nadat die kliniek weens 'n gebrek aan toerusting en medisyne verlede week sy deure moes sluit en die minister die privaat sektor om hulp en ondersteuning gevra het.

Mnr. Libolly Haufiku van Ombaye Fishing het gesê die maatskappy is lank reeds gemoeid met die ­ondersteuning en bemagtiging van gesig­gestremdes.



'NA AAN DIE HART'

“Dit lê ons na aan die hart. Een van Ombaye se direkteure is ook die direkteur van die ­Federasie vir Gesiggestremdes. Dié federasie is ook van ons aandeel­houers,” het hy gesê.

“Toe ek van die sluiting in die koerant lees, het ek nie gehuiwer nie.

“Stel jou voor jy is een van die mense wat 'n afspraak by die kliniek het en dan kom jy daar en word weggewys? Hoe moet dit voel?” het hy gevra.

Ombaye Fishing het N$100 000 aan die oogkliniek geskenk.

Dr. Helena Ndume het gesê hulle sal 'n lys met die nodige toerusting, medisyne en verskaffers aan Ombaye beskikbaar maak. Die maatskappy sal dan aankope doen en aan die oogkliniek oorhandig.

Volgens die permanente sekretaris van gesondheid en maatskaplike dienste, mnr. Ben Nangombe, sou die ministerie Maandag die identifikasie en kwantifisering van die nodige toerusting en medisyne afgehandel hê.

Soortgelyk

 

Geen borgtog vir vrou wat babaseuntjie glo ontvoer

1 uur gelede | Misdaad

‘n Vrou wat in hegtenis geneem is vir die beweerde ontvoering van ‘n tweemaande oue babaseuntjie Sondag, is borgtog in die landdroshof op Rehoboth geweier....

Ondersoek staatskaping in Namibië, vra PDM

3 ure gelede | Politiek

Ronelle Rademeyer - Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en...

Getuie pak skuld op Katrina

16 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

16 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

16 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

16 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

16 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

16 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...

Teengif-trust gestig ná seuntjie sterf

16 ure gelede | Omgewing

Francoise SteynbergVrolike kinderlaggies in 'n cul-de-sac in die Elisenheim-landgoed noord van Windhoek is stil nadat klein Deon Heunis (Dehan) de Wet (2) sy dapper stryd...