Maak seker wat jy aanhaak voor jy afhaak

19 May 2017 | Kuns en vermaak
Sonja Carstens – Al hoe meer getroudes klop aan vir huweliksvoorwaardekontrakte wanneer die koeël reeds deur die kerk is.

Maar om ná die huwelik jou huwelikstatus met ’n kontrak te laat reguleer, verg ’n omslagtige hooggeregshofaansoek wat jou baie geld uit die sak sal jaag.

Dit was nog altyd ’n probleem om nie ’n kontrak te hê nie, maar baie bepalings het tot gevolg dat albei eggenote moet teken – selfs vir klein skuld soos ’n televisie. Dit lei tot frustrasie, veral waar albei partye professionele mense met hul eie bates en boedels is, sê ’n prokureur.

Hy voeg by: “Paartjies kan dit net nie meer bekostig om binne gemeenskap van goedere getroud te wees nie.”

Ná die troue is dit veel moeiliker om sake in orde te kry:

• Jy moet die hooggeregshof daarvan oortuig daar is geldige gronde vir die wysiging.

• Die partye moet al hul krediteure per geregistreerde pos in kennis stel omdat dit krediteure kan benadeel as hulle nie meer op albei se boedels beslag kan lê nie.

• Daarbenewens moet advertensies van die beoogde verandering in twee koerante gepubliseer word, waarvan een die Staatskoerant moet wees. As daar geen besware is nie, moet daar ’n verslag van die aktekantoor bekom word waarin die partye se huwelikstatus en die eiendomme op hul onderskeie name verklaar word.

• As die hof daarvan oortuig is dat geen belanghebbende deur die wysiging benadeel sal word nie, sal die aansoek toegestaan word.

Kortpaaie

Daar is mense wat kortpaaie kies deur te skei om later weer te kan trou, maar dit werk nie altyd uit nie. Boonop is dit oneties vir ’n prokureur om paartjies toe te laat om kortpad te vat deur te skei en dan weer te trou, aangesien die huwelik nie verbrokkel nie en die partye kan nie vir die hof lieg nie.

Onthou, as jy binne gemeenskap van goedere getroud is, gaan jou helfte na jou eggenoot toe met afsterwe.

Verstaan die verskil

As jou huwelikskontrak nie reg is nie, is jou man se skuld joune en omgekeerd. As die een party dus ’n risiko waag, soos om ’n onderneming te begin, kan albei alles verloor as dit skeefloop.

As partye buite gemeenskap van goedere met of sonder aanwasbedeling trou, bly dit wat joune is joune, ongeag die risiko’s van die ander party. –Netwerk24

Onthou om meer te teken as net ’n huweliksertifikaat wanneer jy trou

Soortgelyk

 

Namibië: Jerusalem hoofstad van Israel én Palestina

1 dag gelede | Internasionaal

Die regering sê in ‘n verklaring hy het om groot kommer kennis geneem van die die VSA se aankondiging dat hy Jerusalem as hoofstad van...

Rynand Mudge herstel ou geboue

1 dag gelede | Omgewing

Augetto Graig Windhoek se geskiedenis het sedert 1910 en 1913 voor die historiese Gathemann- en Erkrath-gebou in die stad se hoofstraat afgespeel. Die geboue, wat...

EU-lys g'n 'swartlys'

1 dag gelede | Internasionaal

Ronelle Rademeyer “Die EU het Namibië nog nooit as 'n belasting­toevlugsoord beskou nie. Dit is 'n totale misverstand.”Só het die Europese Unie se ambassa­deur in...

Raad vir jong ondernemers

1 dag gelede | Onderwys

‘n Gids oor volhoubare ontwikkeling vir jong ondernemers in Namibië verskyn vandag in Namibia Media Holdings (NMH) se dagblaaie en is gister amptelik bekend gestel.Die...

Kalender 8 Desember

1 dag gelede | Kuns en vermaak

Nou aan die gang» Wees deel van die eerste weergawe StArt Art Salon vandag by die Macadam-mark. StArt Salon Volume 1 is ’n “salon-styl”-utstalling wat...

Weer vir 7 Desember

1 dag gelede | Weer

BINNELAND: Gedeeltelik bewolk en bloedig warm in die verre oostelike gedeeltes, andersins gedeeltelik bewolk en baie warm met 'n paar tot geïsoleerde donderbuie maar verspreide...

Crimson House en Andra deel verhoog by kus

1 dag gelede | Kuns en vermaak

Die Suid-Afrikaanse groep Crimson House bring hul Gypsy Jungle-vertoning oor die feestyd na Swakopmund. Crimson house sal saam met sangsensasie Andra van 19 tot 22...

Een stem, ’n kitaar en baie Stone-emosie

1 dag gelede | Kuns en vermaak

Die Warehouse-teater is dié plek vir kultuur, vermaaklikheid, yskoue bier en pizza in Windhoek. Hierdie gewilde landmerk het onlangs sy 5de verjaardag gevier sedert dit...

Bekendstelling van StArt Salon uitstalling by Macadam-mark

1 dag gelede | Kuns en vermaak

Wees deel van die bekendstelling van die eerste volume van StArt Salon vanaand by die Macadam-mark. StArt Salon Volume 1 is ’n “salon-styl”-utstalling wat die...