Maak só vir Schengen-visums

14 August 2018 | Ministeries
Tanja Bause - Die Duitse ambassadeur, mnr. Christian Schlaga, het tydens ’n onlangse nuuskonferensie gesê daar is die afgelope paar maande probleme wat aansoeke vir Schengen-visums betref.

“Ons het meer tydgleuwe in die laaste paar weke ingestel en dit het die probleem deels opgelos. Reisigers moet vroegtydig hul tydgleuwe aanlyn bespreek en al die nodige dokumente gereed hê. Dit kan reeds drie maande voor ’n beplande besoek aan Schengen-lande gedoen word,” het hy gesê.

Die ambassade doen die visumaansoeke vir alle Schengen-lande, wat Duitsland, Oostenryk, België, Switserland, Griekeland, Hongarye, Luxemburg, Malta en Nederland insluit.

“Ons hanteer sowat 5 200 visumaansoeke per jaar,” het Schlaga gesê.

Vir die aansoek vereis die ambassade nie ’n vooruitbetaalde vlugkaartjie of hotelbespreking nie, maar wel bewys van voorafbesprekings vir beide.

“Wanneer mense hul tydgleuwe aanlyn bespreek, sal hulle ’n lys sien met al die vereiste dokumente wat hulle moet saambring wanneer hulle die aansoek inhandig. Ná sewe werksdae sal die persoon die visa ontvang.

“Ons versoek ook reisigers om nie meer as een tydgleuf te bespreek nie. Daar is baie mense wat dit doen, maar dit dan nie kanselleer as hulle nie kan kom nie. Dit veroorsaak dat ander mense nie kan bespreek nie. As reisigers gehoor aan al die versoeke gee, kan ons die probleem oplos,” het hy gesê.

Die ambassade verwag in die volgende paar maande ’n toename in aansoeke van mense wat gedurende November en Desember na Europa wil reis.

Soortgelyk

 

Brand breek uit by Spar op Keetmanshoop

1 uur gelede | Ongelukke

'n Brand woed tans by die Spar op Keetmanshoop. 'n Leser het enkele minute gelede dié foto vir Republikein gestuur. Meer inligting is nie tans...

Elfjarige byna ontvoer

2 dae gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

2 dae gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

2 dae gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

2 dae gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

2 dae gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

2 dae gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

2 dae gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

2 dae gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...