Ma eis ’n miljoen ná seun se dood

Vergoeding vir verlies aan ‘noue band’

13 September 2019 | Howe
face="Verdana" >

Henriette Lamprecht - ’n Vrou wie se agtienjarige seun deur ’n voormalige speurder in die polisie doodgeskiet is, eis ’n miljoen dollar van die polisie en die ministerie van veiligheid en sekuriteit.

Me. Annaline Motonane se seun, mnr. Odilo Motonane, is op 22 Maart 2016 deur Lazarus Awaseb met sy dienspistool op Gobabis doodgeskiet.

Awaseb is vroeër vanjaar skuldig bevind op aanklagte van moord en poging tot moord, wat saam met die wet op die bekamping van geslagsgeweld gelees word, asook op alternatiewe klagte van die nalatige afvuur of hantering van ’n vuurwapen, sowel as die onregmatige besit van ’n vuurwapen en ammunisie.

Awaseb het in sy moordverhoor getuig hy en Motonane het gestoei toe hy die vuurwapen by hom wou afneem en ’n skoot afgegaan het.

Die voorval het by Awaseb se meisie, me. Mildred Hoases, se huis plaasgevind. Hoases was glo Motonane se eksmeisie. Volgens Awaseb het hy nie geweet Motonane sou daar wees nie.

Die staat het aangevoer Awaseb het Motonane in die rug geskiet en die moord is deur jaloesie aangevuur omdat Motonane by Awaseb se meisie was.

Hoases is ook tydens die voorval gewond. Awaseb het ná die voorval probeer selfdood pleeg deur homself in die bors te skiet, maar het oorleef.

Volgens Motonane se ma, Annaline, was Awaseb in diens van die ministerie en die polisie toe hy die wapen uitgeboek het en haar seun daarmee doodgeskiet het. Sy eis nou N$100 000 vir emosionele skok.

“Motonane (Annaline) het ’n baie noue band met haar seun gehad omdat hy haar eerste seun was. Die nuus dat hy deur ’n wetstoepasser geskiet is terwyl die persoon aan diens was en dat sy haar seun nooit weer lewend sal sien nie, het haar emosioneel heeltemal vernietig,” lui die hofstukke.

Sy eis ’n verdere N$860 000 omdat haar seun tot die huishouding bygedra het en ook ’n tweejarige dogter agterlaat wat sy nou finansieel moet ondersteun. Vir die koste wat sy vir haar seun se begrafnis moes aangaan, eis Motonane N$40 000.

In hul verweer voer die ministerie en die polisie aan hulle is nie ’n maand voor die tyd in kennis gestel dat Motonane ’n skadevergoedingseis gaan indien nie.

Ook het sy nie die siviele aksie binne ’n jaar ná die voorval van stapel gestuur nie, maar wel drie jaar en 16 dae later.

Volgens hofstukke was Awaseb nie tydens die voorval aan diens nie, maar het hy Motonane om 05:00 geskiet, voor hy om 08:00 vir diens sou aanmeld.

Motonane is boonop nie by die polisiekantoor geskiet waaraan Awaseb verbonde is nie, maar by die Kanaän-informele nedersetting.

Hy was ook nie veronderstel om in die besit van sy dienspistool te wees nie. Volgens hofstukke moet dit in ’n kluis by die polisiekantoor gebêre word wanneer hy nie aan diens is nie.

Die moord op Motonane was ’n “onafhanklike daad en misdaad” buite die raamwerk van sy werk, lui die hofstukke.

[email protected]

Soortgelyk

 

Laat koppe rol - Jooste, SPYL

9 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

9 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

9 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

9 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

9 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

9 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

9 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

9 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

9 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...