Lyk van Nederlandse stapper nog nie uitgeken
Ronelle Rademeyer
Niemand het al die lyk uitgeken van 'n 70-jarige Nederlandse burger wat Saterdagoggend deur 'n groep stappers langs 'n wandelpad in die Daan Viljoen-wildtuin buite Windhoek gevind is nie.
Die afgetrede Nederlander, wat op 9 Oktober met 'n gehuurde voertuig vanaf Kaapstad in die land aangekom het, het Donderdag omtreeks 10:00 alleen die 9 km lange wandelpad aangepak.
Mnr. Servaas van den Bosch, die Nederlandse erekonsul in Namibië, sê die man was by 'n gastehuis in Pionierspark tuis en het 'n taxi gevra om hom na Daan Viljoen te neem om daar te gaan stap.
Hy het gereël dat dieselfde taxi hom weer om 15:00 sou kom oplaai. Toe hy nie by die afgespreekte plek opdaag nie, is die parkowerheid en later ook die polisie in kennis gestel.
Van den Bosch sê daar is Vrydag die hele dag na hom gesoek. Die polisie was Saterdag op die punt om 'n helikopter te ontplooi, toe sy lyk deur ander stappers naby die eindpunt van die wandelroete gevind is.
identiteit
Sy rugsak, met kontant en sy persoonlike dokumente daarin, is by hom gevind.
Van den Bosch sê geen misdaad word vermoed nie. “Hy is ook nie deur 'n wilde dier aangeval nie.” Volgens hom het hitte-uitputting en dehidrasie moontlik tot sy dood aanleiding gegee.
Hy sê hoewel die man se identiteit bekend is, kan sy naam nie aan die media bekend gemaak word voordat hy nie deur 'n familielid of deur middel van sy vingerafdrukke uitgeken is nie.
Navorsing
Dié geskeide pensioenaris was glo in die land om geskiedkundige navorsing oor Nederlandse afstammelinge te doen. Hy het in Friesland gewoon. Sy kinders is reeds van sy dood verwittig.
Hoofinsp. Kauna Shikwambi, polisiewoordvoerder, sê sy lyk is nog nie deur 'n familielid by die polisie se lykshuis uitgeken nie.
Volgens haar duur die geregtelike ondersoek na sy dood voort.
Niemand het al die lyk uitgeken van 'n 70-jarige Nederlandse burger wat Saterdagoggend deur 'n groep stappers langs 'n wandelpad in die Daan Viljoen-wildtuin buite Windhoek gevind is nie.
Die afgetrede Nederlander, wat op 9 Oktober met 'n gehuurde voertuig vanaf Kaapstad in die land aangekom het, het Donderdag omtreeks 10:00 alleen die 9 km lange wandelpad aangepak.
Mnr. Servaas van den Bosch, die Nederlandse erekonsul in Namibië, sê die man was by 'n gastehuis in Pionierspark tuis en het 'n taxi gevra om hom na Daan Viljoen te neem om daar te gaan stap.
Hy het gereël dat dieselfde taxi hom weer om 15:00 sou kom oplaai. Toe hy nie by die afgespreekte plek opdaag nie, is die parkowerheid en later ook die polisie in kennis gestel.
Van den Bosch sê daar is Vrydag die hele dag na hom gesoek. Die polisie was Saterdag op die punt om 'n helikopter te ontplooi, toe sy lyk deur ander stappers naby die eindpunt van die wandelroete gevind is.
identiteit
Sy rugsak, met kontant en sy persoonlike dokumente daarin, is by hom gevind.
Van den Bosch sê geen misdaad word vermoed nie. “Hy is ook nie deur 'n wilde dier aangeval nie.” Volgens hom het hitte-uitputting en dehidrasie moontlik tot sy dood aanleiding gegee.
Hy sê hoewel die man se identiteit bekend is, kan sy naam nie aan die media bekend gemaak word voordat hy nie deur 'n familielid of deur middel van sy vingerafdrukke uitgeken is nie.
Navorsing
Dié geskeide pensioenaris was glo in die land om geskiedkundige navorsing oor Nederlandse afstammelinge te doen. Hy het in Friesland gewoon. Sy kinders is reeds van sy dood verwittig.
Hoofinsp. Kauna Shikwambi, polisiewoordvoerder, sê sy lyk is nog nie deur 'n familielid by die polisie se lykshuis uitgeken nie.
Volgens haar duur die geregtelike ondersoek na sy dood voort.
Kommentaar
Republikein
Geen kommentaar is op hierdie artikel gelaat nie