Luukse motor nie gewen by Nedbank Desert Classic

16 January 2020 | Sport
Vir die eerste keer in die geskiedenis van die Nedbank Desert Classic gholftoernooi het spelers die kans gestaan om 'n blinknuwe Mercedes Benz C180 AMG as 'n prys te wen indien hulle tydens die finale ronde 'n volmaakte gelukhou by die syfer-drie 16de putjie aanteken.

Sulke geluk was egter vir geen speler by die Rössmund-gholfbaan buite Swakopmund beskore toe die toernooi net voor Nuwejaarsdag aangebied is nie, hoewel die res van die twee dae aan al die verwagtinge van puik gholfhoue voldoen het.

Nedbank Namibia se toetrede as titelborg van die gesogte toernooi, met die steun van Bachmus Oil & Fuel Supplies as medeborg, het meegebring dat spelers heerlik bederf is.

Elke speler het op die eerste oggend 'n verwelkomingsgeskenk ontvang, met ontbyt en vars Slowtown-koffie.

Die eerste afslaangroep om 09:30 het Nedbank Namibia se besturende direkteur, mnr. Lionel Matthews, ingesluit. Die bankgroep se uitvoerende bestuurder vir die Afrika-streek, dr. Terence Sibiya, was ook in die voltallige veld van 140 spelers.

Die 2019 Nedbank Desert Classic se wenspan was Vincent van Biljon en Arne Rodenwoldt, twee oud-Swakopmunders wat saamgespan het vir 'n briljante telling van 93 punte.

Tweede was die plaaslike gunstelinge Gert Breedt en Andrew van Schalkwyk (89 punte, uittel), gevolg deur die Walvisbaaise paar Pieter Fox en Wouter van Wijk in die derde plek (89). Drie spanne was op 88 punte, naamlik Leevi Tshoopara en Edwin Kutara, Marco en Marlon Swarts, asook Borris Erasmus en Grant Mather.

Matthews het in sy toespraak by die prysuitdeling gesê: “Ons is met 'n ware skouspel van gholf bederf – sowel met die spel wat ons op die baan gesien het as die omgewing van foutlose gehalte. Die toernooi het tevore reeds groot aansien verwerf, maar die Nedbank Desert Classic stel nou 'n hoë maatstaf vir die kwaliteit van gholf in die land.”

Matthews het ook sy waardering uitgespreek teenoor die ondersteunende borge Bachmus Oil & Fuel Supplies, Windhoek Lager en M+Z Motors. “Die Rössmund-klub en die baan was soos gewoonlik uitstekend voorberei en ons is bevoorreg om hier te kon speel.”

Soortgelyk

 

Groep 'toegesluit' vir duur van kwarantyn

4 ure gelede | Gesondheid

Henriette Lamprecht 'n Vrou in haar laat sestigs ly aan posttraumatiese stres (PTSD) nadat sy deel van 'n groep was wat in dié deel van...

'Abattoir-ellende skema se skuld'

4 ure gelede | Landbou

Ronelle Rademeyer - “Die kleinveebemarkingskema wat met sy gedwonge binnelandse verslagtingsreëls veronderstel was om waarde tot die skaapbedryf te voeg, het die teenoorgestelde gedoen.“Dit het...

Weer, Maandag 10 Augustus 2020

4 ure gelede | Weer

BINNELAND: Sonnig en matig in die Suide, elders sonnig en warm, maar baie warm in die Noorde. KUS: Gedeeltelik bewolk en koud tot matig met...

Groot kommer oor tekort aan voorbehoedmiddels

4 ure gelede | Gesondheid

Jemima Beukes – ’n Studie voorspel tot 27 900 onbeplande swangerskappe kan in Namibië voorkom weens ’n tekort aan voorbehoedmiddels wat die Covid-19-pandemie tot gevolg...

Pensioenaris borgtog geweier in verkragtingsaak

4 ure gelede | Misdaad

Adolf Kaure’n Swakopmundse pensioenaris, mnr. Desmond Derrick Fick (61), het Donderdag in dié kusdorp se landdroshof verskyn nadat ’n klag van poging tot verkragting en...

Vandag se Covid-19-data

6 ure gelede | Gesondheid

'n Visuele opsomming van die inligting vir Saterdag 8 Augustus 2020, soos om 20:00 vanaand aangekondig deur die uitvoerende direkteur van gesondheid en maatskaplike dienste,...

Drie nuwe Covid-19-verwante sterftes, 97 nuwe gevalle

8 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, het drie nuwe Covid-19-verwante sterftes vanaand aangekondig. Twee is in Windhoek...

Eddie sal Farrell-hulle nie oorsien

9 ure gelede | Plaaslik

Eddie Jones sal sy spankeuses slegs op spelpeil grond en Saracens se spelers het dus steeds ’n goeie kans om vir Engeland te speel, selfs...

Saterdag se Covid-19-data

1 dag gelede | Gesondheid

'n Visuele opsomming van die inligting vir Vrydag, soos om 20:00 gisteraand aangekondig deur die minister van gesondheid en maatskaplike dienste, dr. Kalumbi Shangula.