Lughawe-skieter dalk geestelik gestrem

Vyf mense dood in Fort Lauderdale-aanval

09 January 2017 | Internasionaal
Die 26-jarige vete­raan van die Irak-oorlog wat vyf mense op die lughawe van Fort Lauderdale in Amerika doodgeskiet het, is Saterdag aangekla van moord terwyl ondersoe­kers probeer vasstel of geestesongesteldheid 'n rol gespeel het.

Verskeie mense is in die voorval gewond. Van hulle veg nog om hul lewe, het Rick Scott, goewerneur van Florida, Saterdag gesê. Talle ander het beenbreuke en ligter beserings opgedoen terwyl hulle van die toneel probeer wegvlug het.

Die man, Esteban Santiago­ (26), het 'n geskiedenis van eienaardige gedrag. Hy het begin skiet in die gebied by die lughawe waar mense op hul bagasie gewag het.

“Ek het 'n broer wat geestelik ongesteld is en dit is baie moeilik om sommige van hierdie kwessies te hanteer. As 'n gemeen­skap moet ons daaroor praat sodra ons verstaan wat gebeur het,” het Scott gesê.

'n Woordvoerder van die FBI het gesê dit skakel nog nie terrorisme uit nie en gaan nog Santiago se onlangse reise na. Hy het in Fort Lauder­dale aangekom op 'n vlug van Alaska af en het 'n 9 mm-pistool ­afgehaal wat hy as spesiale bagasie ingegee het. Hy het dit in 'n toilet gelaai, uitgestap en links en regs begin skiet. Hy het 'n Star Wars-T-hemp aangehad. Santiago het niks gesê terwyl hy geskiet het nie, en hom eers aan die polisie oorgegee nadat sy ammunisie op was.

Santiago was 'n gevegingenieur in die weermag en het talle medaljes ontvang. Hy het in November verlede jaar by 'n kantoor van die FBI in Anchorage, Alaska, ingestap en beweer sy gedagtes word deur 'n Amerikaanse intelligensiediens beheer en dat hy opdragte kry om na IS-videos te kyk.

'n Tante van Santiago het gesê sedert hy van Irak teruggekom het, was hy “'n ander mens”.

– Netwerk24/Reuters

Soortgelyk

 

SME hoor in November oor finale likwidasie

2 ure gelede | Howe

Betoë is vandag in die Windhoek-hoërhof gelewer deur regsverteenwoordigers van die Bank of Namibia en twee minderheidsaandeelhouers, die Metropolitan Bank of Zimbabwe en World Eagle...

Man gooi seun met baksteen teen die kop

3 ure gelede | Misdaad

'n Vyftienjarige seun is ernstig beseer en moes vir behandeling na Windhoek oorgeplaas word nadat hy met 'n halwe baksteen teen die kop getref is.Volgens...

Miltsiekte: Baie karkasse al verbrand

6 ure gelede | Omgewing

Francoise Steynberg - Die woordvoerder van die ministerie van die omgewing en toerisme, mnr. Romeyo Muyunda, het vanoggend bevestig dat meer as 80 karkasse van...

Keelvol studente soek hul geld

19 ure gelede | Onderwys

Augetto GraigStudenteleiers het gister op die Namibië Finansiële Hulpfonds vir Studente (NSFAF) se voorstoep betoog oor geld wat steeds nie aan hulle uitbetaal is nie....

Klagte van haatspraak

19 ure gelede | Howe

Henriette Lamprecht - ’n Klag van haatspraak is by die ombudsman ingedien teen leserskommentaar op 'n plaaslike dagblad se webtuiste. Die koerant moet volgens die...

Weer vir 19 Oktober 2017

19 ure gelede | Weer

WAARSKUWING: 'n Koue front word in die suidelike streke verwag. Binneland: Gedeeltelik bewolk en koud tot koel in die Suide, maar warm in die verre...

Routydperk vir Muharukua

19 ure gelede | Mense

'n Nasionale routydperk vanaf vandag tot Saterdag is afgekondig, met vlae wat halfstok sal hang. Die eer word betoon aan me. Angelika Muharukua wat op...

Minderheidsaandeelhouers teen sluiting van die SME Bank

19 ure gelede | Howe

Jacqueline Louw Senior advokaat Andrew Corbett het gister namens die Bank of Namibia (BoN) die motiewe van die twee Zimbabwiese minderheidsaandeelhouers wat die likwidasie van...

DTA eis skorsing van PS

19 ure gelede | Politiek

Die DTA vra vir die onmiddellike skorsing van die permanente sekretaris van nywerheidsontwikkeling, handel en SME-ontwikkeling en die hoofbestuurder van die Owerheid vir Sake- en...