LPM wil politieke party wees

Aansoek moet geëvalueer word

07 September 2018 | Politiek
Catherine Sasman – Die Landless People’s Movement (LPM) het gisteroggend ‘n aansoek by die Verkiesingskommissie van Namibië (ECN) ingedien om as ‘n politieke party te registreer.

Die LPM se nasionale koördineerder vir logistiek en geleenthede, mnr. Ivan Skrywer, het die oorhandiging van die aansoek aan die ECN se direkteur, mnr. Theo Muyoro, as ‘n “geskiedkundige dag” vir die beweging se jong leierskap beskryf.

“Ons het lank hiervoor gewag en het deur strawwe prosesse gegaan om by hierdie punt te kom,” het Skrywer gesê.

Muyoro sê die registrasie van ‘n politieke party is nie ’n “eendagproses” nie, en die ondersteunende dokumentasie wat die aansoek vergesel, moet aan die bepalings van die Verkiesingswet van 2014 voldoen.

Die dokumente sal tegnies geëvalueer word, waarna die aansoek aan die kommissie van die verkiesingsliggaam voorgelê sal word.

Muyoro sê die kommissie sal na verwagting binne die volgende twee tot drie weke vergader waartydens die aansoek oorweeg sal word.

“Die kommissie sal ‘n besluit oor die aansoek neem en daarna sal die aansoek vir ‘n nuwe party ‘n openbare proses word,” het Muyoro verduidelik.

Die openbare proses behels dat die aansoek onderwerp word aan die publiek se besware.

“Dit is ‘n normale prosedure en administratiewe proses. Sou ons enige ongerymdhede of teenstrydighede ontdek, sal ons met die LPM kommunikeer,” het Muyoro gesê.

“Ek wil die aansoekers die versekering gee dat hulle in goeie hande is; hul aansoek sal nie verlore gaan nie.”

Hy wou egter nie sê hoe lank die verwerking van die aansoek sal duur nie. Die oomblik wanneer dit gefinaliseer is, sal ‘n kennisgewing volgens Muyoro in die Staatskoerant verskyn.

Een van die vereistes om as ‘n politieke party te registreer, is om ten minste 3 500 handtekeninge van geregistreerde kiesers te hê, met ten minste 500 van die handtekeninge wat uit sewe verskillende politieke streke afkomstig moet wees.

Skrywer het op sy beurt gesê die LPM het die perk van 3 500 handtekeninge by verre oorskry en die beweging het handtekeninge uit agt streke bymekaargemaak.

“Ons is hier om die politieke landskap te verander. Van vandag af gaan dinge verander,” het Skrywer gesê.

Die LPM-leier, die ontslaande Swapo-parlementslid Bernadus Swartbooi, het sedert die laaste gedeelte van verlede jaar gesê die LPM gaan herskep word van ‘n maatskaplike beweging met eise vir voorvaderlike grond as sentrale tema tot ‘n volwaardige politieke party wat aan die komende nasionale en streeksverkiesings in onderskeidelik 2019 en 2020 sal deelneem.

In Junie het Swartbooi gesê die LPM het ‘n sterk en groeiende teenwoordigheid in 11 streke en het toe reeds 3 500 lede in sewe streke gehad.

Soortgelyk

 

Hepatitis E woed landswyd voort

5 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

5 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

5 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

5 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

5 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

5 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

5 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

5 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

5 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...