Lot van SME Bank-werknemers

17 July 2017 | Regering
Jacqueline Louw – In ’n brief deur die voorlopige likwidateurs van die SME Bank is werknemers van dié bank verlede week in kennis gestel dat hul dienste beëindig gaan word.
In hul brief, gerig aan al die werknemers van die bank, sê Bruni & McLaren, die voorlopige likwidateurs van die SME Bank, dat die bank op 11 Julie onder voorlopige likwidasie geplaas is.
Hulle noem verder dat al die werknemers, behalwe diegene wat tydelik in diens sal aanbly om sekere noodsaaklike dienste te verrig, se dienste beëindig word en dat hulle een maand se volle salaris sal ontvang, asook skeidingspakkette en agterstallige lone en salarisse.
Die likwidateurs het werkers verder verseker dat hul salaris- en skeidingspakketbetalings voorkeur bo enige ander eise sal geniet.
Volgens die brief sal besonderhede van watter werknemers op ’n tydelike basis by die bank sal aanbly vandeesweek bekend gemaak word.
Hulle het ook verder die versekering aan die werknemers gegee dat hulle alles in hul vermoë sal doen om te verseker dat enige party wat die bank as ’n lopende saak oorneem, die personeel sal heraanstel.
Volgens die likwidateurs sal hulle die werknemers se eise uitbetaal “sodra kontant beskikbaar is”.
Die Bank of Namibia (BoN) het beheer van die SME Bank aan die begin van Maart vanjaar geneem en het ’n aansoek by die hoërhof ingedien vir die bank se likwidasie.
Die sentrale bank se ingrypings is deur sekere twyfelagtige beleggings van die SME Bank in Suid-Afrika gemotiveer. Na bewering is beleggings van sowat N$175 miljoen in Suid-Afrika verloor wat veroorsaak het dat die bank nie in staat is om sy verpligtinge teenoor deponeerders en ander kliënte na te kom nie.

Soortgelyk

 

Venaani gaan Tsvangirai se begrafnis bywoon

1 dag gelede | Afrika

Die leier van die Popular Democratic Movement (PDM) gaan die begrafnis van die ontslape Zimbabwiese opposisieleier, mnr. Morgan Tsvangirai van die Movement for Democratic Change...

Geingob wens Ramaphosa geluk

1 dag gelede | Politiek

Pres. Hage Geingob het sy nuwe Suid-Afrikaanse eweknie, mnr. Cyril Ramaphosa, geluk gewens met sy inhuldiging as dié land sy vyfde demokratiese president.Hy sê in...

Nampol ontplooi helikopter in Noorde

1 dag gelede |

Die Namibiese Polisie het ’n helikopter na die Oshanastreek in die Noorde van die land ontplooi om misdaad in agt streke te bekamp. Die...

Waterkrisis woed op Rundu

1 dag gelede | Plaaslik

Maria Eiseb'n Voortslepende waternood heers die afgelope week op Rundu en het sommige inwoners sonder 'n druppel water in hul krane gelaat.Drie woonbuurte, Ndama, Safari...

Nuwe daeraad vir SA

1 dag gelede | Politiek

Politieke redaksie - Pres. Jacob Zuma se bedanking kort voor middernag Woensdag het 'n einde gebring aan 'n stormagtige nege jaar in Suid-Afrika se post-apartheidgeskiedenis.Die...

Wending kom in Ava-moordsaak

1 dag gelede | Howe

Denver KistingDie prokureur van die jong vrou, me. Zenobia Seas, wat haar tweejarige dogtertjie, Ava Owoses, na bewering in 2016 wreed vermoor het, gaan eers­daags...

Beskerm ietermagôs

1 dag gelede | Omgewing

Sedert 21 Julie 2017 tot 31 Januarie vanjaar is 77 mense in Namibië in hegtenis geneem vir handel in ietermagôs, en is 19 lewendige diere...

Weer vir 16 Februarie 2018

1 dag gelede | Weer

BINNELAND: Mooiweer en baie warm tot bloedig warm in die Suide en Noordweste. Elders sal dit gedeeltelik bewolk en baie warm tot bloedig warm...

Kalender 16 Feb

1 dag gelede | Kuns en vermaak

Nou aan die gang » Sluit aan by Sunya Beukes, ook bekend as Krayzee Sue, se uitstalling SUE-Realism wat tans by die Franko Namibiese Kultuursentrum...